Фото: Евгений Сорочин / Gazeta
Gazeta ортидаги одамлар
Gazeta 17 йилдирки янгиликлар ёзади, муҳим воқеаларни ёритади, қизиқарли инсонлар ҳақида ҳикоя қилади ва долзарб саволларга жавоб излайди. Бу иш билан кимлар шуғулланади, уларни нима олға ундайди ва қандай қадриятлар бирлаштиради — Gazeta ортидаги одамлар ҳақидаги материал айнан шу ҳақда.
Gazeta 17 йилдирки янгиликлар ёзади, муҳим воқеаларни ёритади, қизиқарли инсонлар ҳақида ҳикоя қилади ва долзарб саволларга жавоб излайди. Бу иш билан кимлар шуғулланади, уларни нима олға ундайди ва қандай қадриятлар бирлаштиради — Gazeta ортидаги одамлар ҳақидаги материал айнан шу ҳақда.
Асосчилар ва раҳбарият
Сурен Сапов
Асосчи
Gazeta ташкил этилишидан бир неча йил олдин мен gazeta.uz доменини сотиб олган эдим. Илк кунларданоқ Gazeta шунчаки одамлар учун янгилик ёзиши билан эмас, балки сифати билан ажралиб турди. Сифат стандартлари, хотиржам услубдаги баён, пухта текширилган ахборот ва холислик — нашр таянадиган асосий устунлар бўлиб келган. Унинг ўзига хослиги услубида, форматларида ва, албатта, жамоасида.
Азамат Атажанов
Асосчи
2008 йил август ойида Сурен билан тушлик пайти Ўзбекистонда янгиликларни «одамлар учун» берадиган сайт йўқлиги, асосан расмий ахборотлар берилиши ҳақида гаплашгандик. Бир ҳафта ўтиб Gazeta`ни ишга туширдик ва у дарҳол ўз аудиториясини топди, чунки одамларга етишмаётган нарсани бера олгандик. Бир кишидан иборат таҳририят ўнлаб ходимлардан иборат жамоага айланди, «Одамлар учун янгиликлар» шиори эса ҳануз долзарб бўлиб қолмоқда.
Бизнинг ишимизга энг юксак баҳо, бу: «Gazeta борлиги қанчалик яхши» дейишлари. Ва буни икки тоифадаги одамлар — муштарийлар ва ходимларимиз айтишади.
Сайт ишга туширилганида белгиланган қадриятлари, тамойиллари ва стандартларига ҳалигача содиқ қолган. Нашрда ҳар куни ўрнак олиш мумкин бўлган ҳамжиҳат профессионаллар жамоаси фаолият юритади. Барчани мамлакат ва одамларга фойда келтириш, энг муҳим ва зарур маълумотларни етказиш истаги бирлаштиради.
Бизнинг ишимизга энг юксак баҳо, бу: «Gazeta борлиги қанчалик яхши» дейишлари. Ва буни икки тоифадаги одамлар — муштарийлар ва ходимларимиз айтишади.
Сайт ишга туширилганида белгиланган қадриятлари, тамойиллари ва стандартларига ҳалигача содиқ қолган. Нашрда ҳар куни ўрнак олиш мумкин бўлган ҳамжиҳат профессионаллар жамоаси фаолият юритади. Барчани мамлакат ва одамларга фойда келтириш, энг муҳим ва зарур маълумотларни етказиш истаги бирлаштиради.
Давлат Умаров
Компания раҳбари
2020 йили Gazeta’га келганимда, «Одамлар учун янгиликлар» давлат тилида ҳам мунтазам чиқиши учун ўзбек тилидаги таҳририятни нолдан қуришни бошлаганмиз.
Бугун мен иш жараёнида ҳамкасбларни қўллаб-қувватлашга ва ҳеч кимга халал бермасликка ҳаракат қиламан. Истеъдодли ва қизиқарли шахслар билан бир жамоада ишлаш, уларнинг турли йўналишларда ривожланишига ёрдам бериш менга ёқади. Ҳеч қандай иллюзияларсиз, аммо умид билан яшаш учун етарли даражада ўз-ўзимизга танқидий қарашга қодир эканимиз ҳам менга ёқади.
Gazeta’да ишлаш — шов-шув ёки шовқин эмас, балки мазмун, онгли ёндашув ва узоқни кўзлаб ишлаш демак. Биз тўғри иш қилаётганимизга ишонаман. Шу нарса мени Gazeta билан боғлаб туради.
Бугун мен иш жараёнида ҳамкасбларни қўллаб-қувватлашга ва ҳеч кимга халал бермасликка ҳаракат қиламан. Истеъдодли ва қизиқарли шахслар билан бир жамоада ишлаш, уларнинг турли йўналишларда ривожланишига ёрдам бериш менга ёқади. Ҳеч қандай иллюзияларсиз, аммо умид билан яшаш учун етарли даражада ўз-ўзимизга танқидий қарашга қодир эканимиз ҳам менга ёқади.
Gazeta’да ишлаш — шов-шув ёки шовқин эмас, балки мазмун, онгли ёндашув ва узоқни кўзлаб ишлаш демак. Биз тўғри иш қилаётганимизга ишонаман. Шу нарса мени Gazeta билан боғлаб туради.
Янгиликлар бўлими
Ўзбек тилидаги таҳририят
Нуруллоҳ Шарипов
Масъул муҳаррир
Мен ньюсмейкерман — хабарларни тушунарсиз расмий тилдан халқ тилига «таржима» қиламан. Gazeta’да 3,5 йилдан бери ишлайман.
Бу ерда профессионал мухбир ва журналистлар билан ишлаш ёқади. Таҳририятда мени унинг қадриятлари ушлаб туради.
Бу ерда профессионал мухбир ва журналистлар билан ишлаш ёқади. Таҳририятда мени унинг қадриятлари ушлаб туради.
Элшод Салимов
Масъул муҳаррир
Кечаси уйғониб кетиб, хабар ёзиб тураман. Gazeta’да уч йилдан бери ишлайман. Таҳририят мени эшитишини ҳис қиламан.
Менга таҳририятнинг бир қисми эканимни ҳис қилиш ёқади. Бошқа жойда ишлаб, Gazeta’ни ўқигандан кўра, бу ерда ўзимни кўришим куч беради. Раҳбариятнинг open-minded экани, яъни янги ғояларни, фикрларни ва тажрибаларни хурофотларсиз қабул қила олиши мени ушлаб туради.
Менга таҳририятнинг бир қисми эканимни ҳис қилиш ёқади. Бошқа жойда ишлаб, Gazeta’ни ўқигандан кўра, бу ерда ўзимни кўришим куч беради. Раҳбариятнинг open-minded экани, яъни янги ғояларни, фикрларни ва тажрибаларни хурофотларсиз қабул қила олиши мени ушлаб туради.
Шоҳруҳ Ҳайдаров
Gazeta’нинг кўзи ва овози
Бир қўлимда камера билан муҳим воқеа-ҳодисаларни кадрларга муҳрлайман, иккинчисида эса уларни reels орқали одамларга айтиб бераман. Орада ўқувчилар қаерда нима бўлганидан бехабар қолмаслиги учун хабарлар ёзиб тураман. Хуллас, хабарчи, мухбир ва фотографман.
Менга воқеалар марказида бўлиш драйви, профессионал муҳит ва эркинлик ёқади. Қолаверса, бу ерда ҳар бир фикр тингланади, ҳамма мавзуга виждонан ёндашилади, шу жиҳатлари мен учун жуда қадрли!
Ўзбекистонда сифатли медиа маҳсулот яратаётган жамоанинг бир бўлаги эканлигим ва биз қилаётган ишнинг кичик бўлса-да натижаси борлигини кўраётганим мени бу ерда ушлаб турса керак. Тайёрлаган мақолаларимиздан кейин қайсидир муаммо ҳал бўлса ёки кимнингдир дунёқараши ўзгарса, демак, мен тўғри жойдаман.
Менга воқеалар марказида бўлиш драйви, профессионал муҳит ва эркинлик ёқади. Қолаверса, бу ерда ҳар бир фикр тингланади, ҳамма мавзуга виждонан ёндашилади, шу жиҳатлари мен учун жуда қадрли!
Ўзбекистонда сифатли медиа маҳсулот яратаётган жамоанинг бир бўлаги эканлигим ва биз қилаётган ишнинг кичик бўлса-да натижаси борлигини кўраётганим мени бу ерда ушлаб турса керак. Тайёрлаган мақолаларимиздан кейин қайсидир муаммо ҳал бўлса ёки кимнингдир дунёқараши ўзгарса, демак, мен тўғри жойдаман.
Абдуқаҳҳор Қосимов
Тунги муҳаррир
Икки йилдан бери ҳамма ухлаётганда сайтда «хўжайинлик» қиламан. Gazeta’нинг принциплари менга ёқади. Буюк лойиҳанинг бир қисми эканлигим ҳақидаги ишонч мени бу ерда ушлаб туради.
Шоира Якубова
Кичик муҳаррир
Янгиликлар шовқини ичидан муҳимини ажратиб, ўқувчиларга содда тилда етказаман. Gazeta’да рақамлар ортидан қувилмайди, бу ерда сифат ва мазмун муҳим.
Ўсишга ундайдиган, дўстона ва қўллаб-қувватловчи муҳит мени таҳририятда ушлаб туради.
Ўсишга ундайдиган, дўстона ва қўллаб-қувватловчи муҳит мени таҳририятда ушлаб туради.
Янгиликлар бўлими
Рус тилидаги таҳририят
Элина Сакаева
Масъул муҳаррир
Катта ҳисоботлар ва узун нутқлар ичидан муштарийлар учун энг муҳим маълумотларни қидираман. Янгиликларда рақамлар мос келиши, иқтибослар аниқ бўлиши, ифодалар эса тўғри (баъзан ҳатто сиёсий жиҳатдан ҳам тўғри) қўлланилишини назорат қиламан. Интервьюлар учун саволлар тайёрлашга ёрдам бераман ва баъзан ўзим ҳам ким биландир суҳбатлашаман. Таътиллар ва хизмат сафарларидан медиа-базамиз учун суратлар олиб келаман.
Gazeta’да мен принципга асосланган ҳалолликни, ахборотга асосли ва жиддий ёндашувни, кўришлар ортидан қувиш йўқлигини ҳамда нашрнинг интеллектуал ва зиёли руҳиятини қадрлайман.
Бизда ажойиб жамоа бор! Кўплаб ҳамкасблар шахсий ривожимга ҳисса қўшган ва дунёқарашимни кенгайтирган. Уларнинг ҳар бири билан бирга ишлашимдан фахрланаман.
Нашрда мени касбга садоқат ва кундалик ҳаётимизга таъсир қила олиш имконияти ушлаб туради.
Gazeta’да мен принципга асосланган ҳалолликни, ахборотга асосли ва жиддий ёндашувни, кўришлар ортидан қувиш йўқлигини ҳамда нашрнинг интеллектуал ва зиёли руҳиятини қадрлайман.
Бизда ажойиб жамоа бор! Кўплаб ҳамкасблар шахсий ривожимга ҳисса қўшган ва дунёқарашимни кенгайтирган. Уларнинг ҳар бири билан бирга ишлашимдан фахрланаман.
Нашрда мени касбга садоқат ва кундалик ҳаётимизга таъсир қила олиш имконияти ушлаб туради.
Парвина Аюбова
Жаҳон янгиликлари муҳаррири ва таҳририят мушукларининг онаси
Gazeta’да олти йилдан бери ишлайман. Унинг сифатли журналистикага содиқлигини жуда қадрлайман.
Нашрда мени ҳамжиҳат ва истеъдодли жамоа, соғлом корпоратив маданият ва умумий мақсад — дунёни тушунарлироқ ва бироз яхшироқ қилиш ғояси ушлаб турибди. Яна, мен ва ҳамкасбларим офис мушуклари Перси, Эскимо ва Барсикка ғамхўрлик ҳам қиламиз.
Нашрда мени ҳамжиҳат ва истеъдодли жамоа, соғлом корпоратив маданият ва умумий мақсад — дунёни тушунарлироқ ва бироз яхшироқ қилиш ғояси ушлаб турибди. Яна, мен ва ҳамкасбларим офис мушуклари Перси, Эскимо ва Барсикка ғамхўрлик ҳам қиламиз.
Шуҳрат Латипов
Энг зўр хабарчи, коррупционерларнинг қўрқуви ва нафрати
Янгиликлар, таҳлилий мақолалар ёзаман, баъзида суриштирув ва репортажлар тайёрлайман, онда-сонда суратга ҳам оламан. Энг ёқадигани — рақамларни таҳлил қилиш, улардаги ғайритабиий ҳолатларни топиш ва савол бериш.
Нашрнинг позицияси ва тамойиллари, таҳририят сиёсатини яхши кўраман. Мени ушлаб турадиган нарса бу — одамлар, албатта.
Нашрнинг позицияси ва тамойиллари, таҳририят сиёсатини яхши кўраман. Мени ушлаб турадиган нарса бу — одамлар, албатта.
Дмитрий Поваров
Шарҳловчи, Gazeta штатидаги биринчи ходим
Gazeta билан у пайдо бўлганидан бери ҳамкорлик қилиб келаман.
Янгиликлар таҳририятининг оловлари-ю чақмоқлари ҳамда субъективлик, қолипсиз ва жанр қоидаларини писанд қилмасликка тўла ўз услубим ўртасида ижодий тарзда сирғалиб ўтишга ҳаракат қиламан.
Gazeta’да шахсан ўзимни қайтиб келмас тарзда тарк этиб бораётган нарсалар ёқади — ёшлик, жўшқинлик, адолат ва эзгуликка бўлган ишонч.
Янгиликлар таҳририятининг оловлари-ю чақмоқлари ҳамда субъективлик, қолипсиз ва жанр қоидаларини писанд қилмасликка тўла ўз услубим ўртасида ижодий тарзда сирғалиб ўтишга ҳаракат қиламан.
Gazeta’да шахсан ўзимни қайтиб келмас тарзда тарк этиб бораётган нарсалар ёқади — ёшлик, жўшқинлик, адолат ва эзгуликка бўлган ишонч.
Юлианна Мороз
Кичик муҳаррир
Ахборот шовқини ичида янгилик учун асос бўладиган нарсаларни излайман. Нашрда ишлаётганимга етти ой бўлди ва шу вақт ичида иш жараёнидаги тартиб ва хаоснинг камлигини севиб қолдим. Gazeta’да мени иллюзия ушлаб туради. Журналистлар ниманидир яхшилик томонга ўзгартира олиши ҳақидаги иллюзия.
Жамила Фадл
Кичик муҳаррир
Янгиликлар ёзаман ва муҳим воқеаларни ўқувчиларимиз учун тушунарли ҳикояларга айлантираман. Gazeta’да ҳар кимнинг фикри қадрланиши ва масалаларни низосиз муҳокама қила олишлари менга ёқади. Нашрда жамоа ва муҳит жуда яхши. Бу ерда хотиржамлик бор, ишлаш ёқимли ва ривожланиш имконияти мавжуд.
Махсус бўлим
Ўзбек тилидаги таҳририят
Муҳримхон Аъзамхўжаев
Бўлим бош муҳаррири
Ўзбек таҳририятдаги, адашмасам, энг ёши улуғ ходим сифатида ҳар хил бўлган ва бўлмаган воқеаларни айтиб бериб, бири биридан қизиқ ва долзарб материаллар тайёрлаётган ёш ҳамкасбларимни чалғитиш ва вақтларини ўғирлаш билан шуғулланаман — асосан қиладиган ишим шу.
Шу севимли машғулотимдан бўш вақтимда эса Махсус бўлим журналистлари («спецназ») материалларини бир амаллаб кўриб бераман. Табиийки, бўш вақтим кам, шунинг учун материаллар кечикиб кетади. Биз бу ҳақда “Ой материали” подкастимизда ҳам кўп гаплашганмиз — YouTubeда кўринглар шу подкастни. Ўзбекистондаги энг зўр подкаст, ҳар сони деярли миллион марта кўрилади. Деярли.
Шу севимли машғулотимдан бўш вақтимда эса Махсус бўлим журналистлари («спецназ») материалларини бир амаллаб кўриб бераман. Табиийки, бўш вақтим кам, шунинг учун материаллар кечикиб кетади. Биз бу ҳақда “Ой материали” подкастимизда ҳам кўп гаплашганмиз — YouTubeда кўринглар шу подкастни. Ўзбекистондаги энг зўр подкаст, ҳар сони деярли миллион марта кўрилади. Деярли.
Gazeta’да менга жамоавий руҳ ёқади. Бу муҳит сенга, масалан, билмаганларингни ўргатиб ташлайди — университетда тўрт йил ўқиб ҳам ололмайсан бундай билимларни. Бу ердаги эркин ижодий муҳитни севаман. Gazeta ташқаридан гўё қатъий белгилаб қўйилган қолипда ишлайдигандек кўринса-да, аслида тажрибаларга очиқ, медиа-бозоримиз трендсеттери.
Шунингдек, бу ерда эрксевар ёшларнинг жуда кўплиги ҳам ёқади — улар баъзан маҳмадонадек кўринади, лекин уларнинг кўплиги барибир ҳам яхши.
Мени Gazeta’да нима ушлаб туради? Саволномадаги мен учун энг оғир савол шу бўлди, чунки 2025 йил 30 декабрь куни Gazeta билан шартномам тугайди. Лекин, кун келиб, мен айнан ҳозирги жамоавий руҳ ва эркин ижодий муҳит учун ҳам Gazeta’га қайтган бўлардим. Фурсатдан фойдаланиб, Gazeta’га, Азамат ака Атажановга, Сурен ака Саповга, Давлат Умаровга, шунингдек, бу ерда қолаётган барча ҳамкасбларга ҳаммаси учун раҳмат, деб қоламан. Раҳмат!
Шунингдек, бу ерда эрксевар ёшларнинг жуда кўплиги ҳам ёқади — улар баъзан маҳмадонадек кўринади, лекин уларнинг кўплиги барибир ҳам яхши.
Мени Gazeta’да нима ушлаб туради? Саволномадаги мен учун энг оғир савол шу бўлди, чунки 2025 йил 30 декабрь куни Gazeta билан шартномам тугайди. Лекин, кун келиб, мен айнан ҳозирги жамоавий руҳ ва эркин ижодий муҳит учун ҳам Gazeta’га қайтган бўлардим. Фурсатдан фойдаланиб, Gazeta’га, Азамат ака Атажановга, Сурен ака Саповга, Давлат Умаровга, шунингдек, бу ерда қолаётган барча ҳамкасбларга ҳаммаси учун раҳмат, деб қоламан. Раҳмат!
Баҳодир Абдуллаев
Мухбир
Gazeta’да 2,5 йилдан бери ишлайман. Нима қизиқ ва муҳим деб ўйласам, ўша мавзу ҳақида турли форматларда одамларга гапириб бераман. Бу ерда ҳамма нима билан ва нима учун шуғулланаётганини яхши билади. Мени таҳририятда жамоа, миссия, эмпатия, инсонлар учун ёзиш ушлаб туради.
Гулираъно Мусаева
Мухбир
- Ашула эшитаман, китоб ўқийман, кино кўраман, кейин уларни асосида тестлар тузаман;
- Расмиятчиликдан йироқ одамлар билан гаплашиб, улар ҳақида «Ирода» номли лойиҳада ҳикоя қиламан;
- Қадрли ҳамкасбим Чарос Низомиддинова Gazeta’да бошлаб берган «Аёл» номли лойиҳани давом эттиряпман. Бу лойиҳа стереотипларни парчалаган, дунёни ақл-заковати ва қатъияти билан ром қилган, илм-фан ва жамият ривожига улкан ҳисса қўшиши билан тарихда қолган хотин-қизлар ҳақида ҳикоя қилади.
Ичимда инсон ва журналист сифатида ўзим учун муҳим бўлган, йўқотгим келмайдиган баъзи нарсалар бор. Уларни ўлдиргим келмайди, яшашини хоҳлайман. Улар фақат мен севган романларда қолмасин, увол-исроф бўлмасин. Ёшим бир жойга бориб, улар ҳақида гап кетганда «китобларда ёзиладиган» деб эмас, мен амал қилган ва алал-оқибат бунга пушаймон қилмаган «нарсалар» деб эслагим келади. Ана ўша асрагим, шу билан бирга, хафа қилдириб қўйгим келмайдиган «нарсалар»нинг овозига кўра, мен ҳозир тўғри жойдаман.
Миролим Исажонов
Мухбир
Менинг ишим ахборот излаш, қайта ишлаш ва уни оммага узатиш. Шу сабабли ҳам турли давралар ва вазиятларда амалдорлар ва фуқаролар билан мулоқот қилиб, уларни саволга тутиш одат бўлиб қолган. Кеча тадбирга борган бўлсам, бугун бир ҳолат бўйича суриштирув олиб бораман, эртага эса фаолияти кўпчиликка қизиқ бўлган шахсдан интервью оламан... Бизнинг соҳа мана шундай ранг-баранглиги билан ҳам қизиқ.
Gazeta’да бошқа ОАВларга нисбатан эркинлик бор. Жамоада ёшлар, тенгдошлар кўплиги учун ҳам фикрларимиз ва ғояларимизни бемалол муҳокама қилиб, пишитиб, сўнг уни тайёрлашга енг шимарамиз.
Gazeta’да бошқа ОАВларга нисбатан эркинлик бор. Жамоада ёшлар, тенгдошлар кўплиги учун ҳам фикрларимиз ва ғояларимизни бемалол муҳокама қилиб, пишитиб, сўнг уни тайёрлашга енг шимарамиз.
«Ҳар қандай ахборотни халқ учун халқона тилда бериш зарур. Ахборот оммага кеч узатилса-да, у пухта, чуқурроқ ва ишончли бўлиши, одамларда саволлар туғдирмайдиган даражада тайёрланиши керак», деган ғоя билан ижод қиламиз.
Биз қандайдир мукофот ёки қайсидир амалдорнинг назарига тушиш ниятида ахборот узатмаймиз. Фақат ўқувчиларнинг дунёқарашини ўстириш, уларга ишончли маълумот бериш йўлида ҳаракат қиламиз, холос.
Биз қандайдир мукофот ёки қайсидир амалдорнинг назарига тушиш ниятида ахборот узатмаймиз. Фақат ўқувчиларнинг дунёқарашини ўстириш, уларга ишончли маълумот бериш йўлида ҳаракат қиламиз, холос.
Зиёда Рамазонова
Мухбир
Жамият ҳаётига дахлдор мавзуларда репортажлар тайёрлайман, турли масалалар юзасидан интервьюлар оламан. Инсонларни тинглаш ва уларнинг ҳислари, ўйлари, оғриқларини қоғозга тушириш — буларсиз ишимни тасаввур қилолмайман.
Gazeta’да менга эркинлик, ҳурмат ва қадрланиш ёқади. 3,5 йилдан бери ёзадиган мавзуларимни эркин танлайман ва, танладимми, бемалол, ёрита оламан. Натижаси қандай бўлишидан қатъий назар, «бу мавзу билан шуғулланиб кўришингиз мумкин», деган қувватлов бор. Буни қарорларим ва танловларимга ҳурмат ифодаси сифатида қабул қиламан.
Муҳаррирларим сўзда ёки бирор белги орқали таҳририятга кераклигим, ишим қадрланишини доимо сездиради. Булар ижодкорнинг энг бирламчи эҳтиёжлари. Улар қондирилмаса, бошқа нарсаларнинг бўлиш-бўлмаслиги аҳамиятсиз.
Gazeta’да менга эркинлик, ҳурмат ва қадрланиш ёқади. 3,5 йилдан бери ёзадиган мавзуларимни эркин танлайман ва, танладимми, бемалол, ёрита оламан. Натижаси қандай бўлишидан қатъий назар, «бу мавзу билан шуғулланиб кўришингиз мумкин», деган қувватлов бор. Буни қарорларим ва танловларимга ҳурмат ифодаси сифатида қабул қиламан.
Муҳаррирларим сўзда ёки бирор белги орқали таҳририятга кераклигим, ишим қадрланишини доимо сездиради. Булар ижодкорнинг энг бирламчи эҳтиёжлари. Улар қондирилмаса, бошқа нарсаларнинг бўлиш-бўлмаслиги аҳамиятсиз.
Gazeta’га келганимда талаба эдим. Мақсадим эса Ўзбекистоннинг энг яхши нашрларидан бири сифатида кўрсатиладиган таҳририятда ўрнимни топиш бўлган. Аммо йиллар ўтиб, қадриятларим ўзгарди, эҳтимол, Gazeta’ники билан боғланиб кетди. Энди мен қилаётган ишим орқали ўзим ва яқинларим бир бўлаги бўлган жамиятга, ундаги одамларнинг ҳаётига, ҳеч бўлмаса, биргина инсоннинг фикрига яхши маънода таъсир қилишни мақсад қилганман.
Аслида одамлар Ер юзига уни янада гўзаллаштириш учун юборилади, деб ҳисоблайман. Ҳамма бирор бир иши орқали бу жараёнга ҳисса қўшади. Масалан, новвой нон ёпиш, ўқитувчи илм бериш билан ва ҳоказо. Менинг чекимга эса одамларни тинглаш ва ёзиш масъулияти тушганини ич-ичимдан ҳис қиламан. Акс ҳолда, бу иш билан бунчалик узоқ шуғуллана олмас ва ундан мазмун топа олмаган бўлардим. Gazeta — ана шу жараён учун яхши ва тўғри минбар. Унинг доим ўзига хос жиддийлиги, салобати ва қатъияти бўлган.
Шу минбарда ҳар бир материалим чиққандан сўнг кичик белгилар билан бўлса-да, мақсадларимнинг амалга ошаётганини сезаман: кимдир кўтарилган муаммо ҳақида гапира бошлайди, яна кимдир мавзуни муҳокама қилади, баъзан вазиятга масъуллар эътибор қаратади, кутилмаганда нотаниш одамлардан қайсидир қаҳрамонларимнинг тажрибаси уларни илҳомлантиргани, таъсирлантиргани ҳақида хабарлар оламан.
Мақсадингиз қанчалик соф ва катта бўлмасин, атрофингизда тўғри, ўйлари сизники билан туташадиган, нияти беғараз инсонлар бўлмаса, унга олиб борадиган йўл сиз учун машаққатга айланади. Таҳририятдаги ҳамкасбларим, жамоа билан бизнинг маслагимиз бир, жамиятдаги оғриқларни ҳам, ютуқларни ҳам ўхшаш ҳис қиламиз.
Катта бўлганим сари яхши одамлар даврасига тушиб қолиш ҳам бир неъмат экани, у ҳаммага ҳам, хоҳласа ҳам берилавермаслигини кўриб, буни янаям қадрлай бошлаганман. Айнан шулар: ҳам ҳаётимнинг мазмунига айланган иш билан эркин шуғулланиш, ҳам буни тўғри инсонлар билан амалга ошириш имконияти мени Gazeta’да ушлаб туради.
Аслида одамлар Ер юзига уни янада гўзаллаштириш учун юборилади, деб ҳисоблайман. Ҳамма бирор бир иши орқали бу жараёнга ҳисса қўшади. Масалан, новвой нон ёпиш, ўқитувчи илм бериш билан ва ҳоказо. Менинг чекимга эса одамларни тинглаш ва ёзиш масъулияти тушганини ич-ичимдан ҳис қиламан. Акс ҳолда, бу иш билан бунчалик узоқ шуғуллана олмас ва ундан мазмун топа олмаган бўлардим. Gazeta — ана шу жараён учун яхши ва тўғри минбар. Унинг доим ўзига хос жиддийлиги, салобати ва қатъияти бўлган.
Шу минбарда ҳар бир материалим чиққандан сўнг кичик белгилар билан бўлса-да, мақсадларимнинг амалга ошаётганини сезаман: кимдир кўтарилган муаммо ҳақида гапира бошлайди, яна кимдир мавзуни муҳокама қилади, баъзан вазиятга масъуллар эътибор қаратади, кутилмаганда нотаниш одамлардан қайсидир қаҳрамонларимнинг тажрибаси уларни илҳомлантиргани, таъсирлантиргани ҳақида хабарлар оламан.
Мақсадингиз қанчалик соф ва катта бўлмасин, атрофингизда тўғри, ўйлари сизники билан туташадиган, нияти беғараз инсонлар бўлмаса, унга олиб борадиган йўл сиз учун машаққатга айланади. Таҳририятдаги ҳамкасбларим, жамоа билан бизнинг маслагимиз бир, жамиятдаги оғриқларни ҳам, ютуқларни ҳам ўхшаш ҳис қиламиз.
Катта бўлганим сари яхши одамлар даврасига тушиб қолиш ҳам бир неъмат экани, у ҳаммага ҳам, хоҳласа ҳам берилавермаслигини кўриб, буни янаям қадрлай бошлаганман. Айнан шулар: ҳам ҳаётимнинг мазмунига айланган иш билан эркин шуғулланиш, ҳам буни тўғри инсонлар билан амалга ошириш имконияти мени Gazeta’да ушлаб туради.
Отабек Турдиев
Мухбир
Gazeta’да документалист бўлиб ишласам керак —репортажларни ҳужжатли фильмларга айлантираман. Ҳамкасбларимдаги профессионаллик, ҳамма бир-бирини тушуниши, шахсий чегараларни ҳурмат қилиши менга ёқади.
Ҳар доим қандайдир яхши материалим сайтда чиқиши ва уни ўзим учун тарих сифатида кўришим бу ерда ишлашга ундайди.
Ҳар доим қандайдир яхши материалим сайтда чиқиши ва уни ўзим учун тарих сифатида кўришим бу ерда ишлашга ундайди.
Муштарий Оқбоева
Gazeta тарихида биринчи бўлиб декретга чиққан ходим, мухбир
Gazeta матнни севади, мен эса видеони севаман. Менинг асосий вазифам - таҳририят учун видео форматда материал тайёрлаш.
Таҳририятнинг ҳаққонийлик учун қиладиган ҳаракати, ҳафтада икки кунлик дам, яхши жамоа ва ҳаммамиз MacBook’да ишлашимиз жуда ёқади.
Таҳририятнинг ҳаққонийлик учун қиладиган ҳаракати, ҳафтада икки кунлик дам, яхши жамоа ва ҳаммамиз MacBook’да ишлашимиз жуда ёқади.
Муқаддамхон Саидрасулова
Муҳаррир
Gazeta’да тўрт йилдан бери ишлашимга қарамай, кўплаб ҳамкасбларимиз мени танимаса ҳам керак — масофавий иш шунақа экан-да. Мен Gazeta’да одамларни уларга дахлдор энг муҳим янгиликлардан бохабар қиламан, рус тилидаги таҳририят тайёрлаган сара материалларни ўзбек тилида ўқувчиларга етказаман, баъзан ижод қиламан: китобларга тақризлар ва муаллифлик мақолалари ёзаман.
Gazeta’да менга одамларга нисбатан ғамхўрлик, холислик, профессионаллик ёқади.
Масофадан туриб ишласам-да, таҳририятдаги эркинлик руҳини ҳис қиламан. Gazeta’нинг янги ташаббус ва ғояларга очиқлиги, бу ерда ҳар томонлама ўсиш имконияти борлиги, жамоадаги соғлом фикрлилик, аҳиллик ва ўзаро ҳурмат ёқади. Айнан шу жиҳатлар мени доим руҳлантиради. Gazeta’нинг, Gazeta жамоасининг бир қисми эканлигимдан фахрланаман.
Gazeta’да менга одамларга нисбатан ғамхўрлик, холислик, профессионаллик ёқади.
Масофадан туриб ишласам-да, таҳририятдаги эркинлик руҳини ҳис қиламан. Gazeta’нинг янги ташаббус ва ғояларга очиқлиги, бу ерда ҳар томонлама ўсиш имконияти борлиги, жамоадаги соғлом фикрлилик, аҳиллик ва ўзаро ҳурмат ёқади. Айнан шу жиҳатлар мени доим руҳлантиради. Gazeta’нинг, Gazeta жамоасининг бир қисми эканлигимдан фахрланаман.
Эркин Абдулаҳатов
Об-ҳаво маълумотлари бўйича махсус шарҳловчи, материалларининг кўришлари сони бўйича мутлақ рекордчи
Ҳафталик об-ҳаво шарҳларини матн ва видео форматда тақдим этаман. Ойлик об-ҳаво шарҳлари, магнит бўронлари, иқлим ўзгариши, сув ва ҳаво ифлосланиши бўйича илмий асосланланган, лекин оммабоп таҳлилий материаллар тайёрлайман.
Gazeta’даги аҳил, ўз ишининг устаси бўлган жамоа билан ишлаш, шунингдек, таҳририятнинг жуда ҳам узоқни кўра олган сокин, барқарор бошқаруви ёқади.
Айнан ажойиб ёндашув ва қарашларга эга профессионал жамоа билан ишлаш имконияти мени бу таҳририятда ушлаб туради.
Gazeta’даги аҳил, ўз ишининг устаси бўлган жамоа билан ишлаш, шунингдек, таҳририятнинг жуда ҳам узоқни кўра олган сокин, барқарор бошқаруви ёқади.
Айнан ажойиб ёндашув ва қарашларга эга профессионал жамоа билан ишлаш имконияти мени бу таҳририятда ушлаб туради.
Сарвар Каримов
Кино шарҳловчиси
YouTube’да қайси кино ва сериалларни кўриш кераклиги ҳақида тавсиялар бериб бораман.
Gazeta’да ишлаш, бу — орзудаги иш, чунки менга энг севимли машғулотим — кино кўрганим учун пул тўлашади.
Gazeta’да ишлаш, бу — орзудаги иш, чунки менга энг севимли машғулотим — кино кўрганим учун пул тўлашади.
Махсус бўлим
Рус тилидаги таҳририят
Сабина Бакаева
Бўлим бош муҳаррири
2019 йилда Gazeta`га тажрибасиз ва олий маълумотсиз, ҳали ғўр мухбир бўлиб келгандим (олий маълумот масаласи йиллар ўтиб ҳам ўзгармади, лекин ўшанда унинг йўқлиги мени қўрқитарди, чунки «дипломсиз ҳеч қаерга ишга олишмайди» деб ўйлардим). Менга Gazeta`ни Ўзбекистоннинг «Нью-Йорк Таймс»и, дейишарди. Бу мен учун шуни англатардики, агар бу ерда эплай олмасам, демак, юқорига йўллар мен учун ёпилади.
Орадан деярли етти йил ўтиб ҳам ишончим комилки, Gazeta — мамлакатдаги сифатли журналистикага эга ягона нашр. Бу менда бир вақтнинг ўзида ҳам фахр, ҳам таассуф уйғотади, чунки майдонда курашадиганлар барибир кўпроқ бўлиши керак.
Орадан деярли етти йил ўтиб ҳам ишончим комилки, Gazeta — мамлакатдаги сифатли журналистикага эга ягона нашр. Бу менда бир вақтнинг ўзида ҳам фахр, ҳам таассуф уйғотади, чунки майдонда курашадиганлар барибир кўпроқ бўлиши керак.
Мен Gazeta`нинг тамойилларини яхши кўраман, улар менинг ҳаётий қадриятларимга жуда мос тушади. Масалан, сўз бериш мумкин эмас дея тақиқ қўйилган бирорта ҳам шахс йўқ. Фикрлар хилма-хиллиги муҳим. Журналист ҳикоясидаги ҳар бир янги чеҳра — янги манба. Ëки аҳмоқона савол деган нарсанинг ўзи йўқлиги ҳақидаги тамойиллар. Менга нашрнинг ҳар қандай қийин вазиятларда ҳам сақлаб қоладиган совуққонлиги, инсонийлиги, ўта зийраклиги ва ўз ички сезгисига қаттиқ ишониши ёқади. Бу ишонч ўз-ўзини танқид қилиш ва текшириш билан ҳамнафас бўлиб кетган.
Gazeta`да ўзгача ва ажойиб инсонлар ишлайди деб ҳисоблайман. Улар эркин, сотилмайдиган, ўта тўғрисўз, лекин бировнинг чегарасини ҳурмат қиладиган одамлардир. Жамоамиз жамиятимизда кам учрайдиган ўзаро ҳурмат муҳити билан мақтана олади. Бу ерда шунчаки инсон бўлганингиз учун ўзингизни қадрли ҳис қиласиз. Айнан шу нарса бизга инсон ҳуқуқларини таъминлаш йўлида ишлашга ёрдамлашади.
Gazeta мен учун ҳар доим суянч бўлган, чунки иш орқали бекорчиликдан чалғийман. Тан оламан, йиллар ўтган сари бу ерда ўсишим учун жой қолмади деб тез-тез ўйлаб қоламан. Лекин ҳар сафар Gazeta янги ўсиш нуқтасини кўрсатиб, мени бу инқироздан олиб чиқа олади. Етти йиллик ишим давомида ўнлаб бундай ҳолат бўлди. Ривожланиш имконияти ва ажойиб ҳамкасблар — мени таҳририятда ушлаб турган нарсалар шу.
Gazeta`да ўзгача ва ажойиб инсонлар ишлайди деб ҳисоблайман. Улар эркин, сотилмайдиган, ўта тўғрисўз, лекин бировнинг чегарасини ҳурмат қиладиган одамлардир. Жамоамиз жамиятимизда кам учрайдиган ўзаро ҳурмат муҳити билан мақтана олади. Бу ерда шунчаки инсон бўлганингиз учун ўзингизни қадрли ҳис қиласиз. Айнан шу нарса бизга инсон ҳуқуқларини таъминлаш йўлида ишлашга ёрдамлашади.
Gazeta мен учун ҳар доим суянч бўлган, чунки иш орқали бекорчиликдан чалғийман. Тан оламан, йиллар ўтган сари бу ерда ўсишим учун жой қолмади деб тез-тез ўйлаб қоламан. Лекин ҳар сафар Gazeta янги ўсиш нуқтасини кўрсатиб, мени бу инқироздан олиб чиқа олади. Етти йиллик ишим давомида ўнлаб бундай ҳолат бўлди. Ривожланиш имконияти ва ажойиб ҳамкасблар — мени таҳририятда ушлаб турган нарсалар шу.
Виктория Абдурахимова
Катта муҳаррир, «Маданият» бўлими муҳаррири, офис мушуклари онасининг ўринбосари
Тўрт йилдан бери ёзаман, таҳрирлайман, баҳслашаман ва офис мушукчаларини «тарбиялайман». Менга таҳририятимиз сиёсати, қадриятларимиз ва жамоамиз, шунингдек маданият ҳақида ёзиш ва унга алоҳида ўрин ажратиш имконияти ёқади.
Gazeta мен учун — маҳаллий журналистиканинг Олимп чўққиси. У обрў-эътиборли, таҳририятга ишонадиган ўқувчилар доирасига эга нашр. Бу ерда ўз ўрнимни топганимни ҳис қилиш мени ушлаб туради. Қадриятларимиз туташ бўлган жуда кучли жамоанинг бир қисми бўлиш менга ёқади. Биз ҳақиқатан ҳам ҳамфикр одамлармиз: шаҳримиз ва мамлакатимиз учун яхшироқ келажакка ишонамиз ва (умид қиламанки) ўз ишимиз билан, гарчи кичик қадамлар билан бўлса-да, уни яқинлаштирамиз, ҳақиқатга айлантирамиз.
Gazeta мен учун — маҳаллий журналистиканинг Олимп чўққиси. У обрў-эътиборли, таҳририятга ишонадиган ўқувчилар доирасига эга нашр. Бу ерда ўз ўрнимни топганимни ҳис қилиш мени ушлаб туради. Қадриятларимиз туташ бўлган жуда кучли жамоанинг бир қисми бўлиш менга ёқади. Биз ҳақиқатан ҳам ҳамфикр одамлармиз: шаҳримиз ва мамлакатимиз учун яхшироқ келажакка ишонамиз ва (умид қиламанки) ўз ишимиз билан, гарчи кичик қадамлар билан бўлса-да, уни яқинлаштирамиз, ҳақиқатга айлантирамиз.
Александр aka DrugShem Шемданов
Instagram муҳаррири
- Ҳафтасига уч марта офисга келаман, Telegram Yulduzlari ва Pressa.uz янгиликларини ўқийман (таҳририятдаги шу иш билан шуғулланувчи ягона ходим бўлсам керак);
- Лонгридларни моҳирона қисқартираман;
- Photoshop сотиб оламан;
- Мамлакатдаги энг нуфузли нашрлардан бири материалларига «сарғишлик» ва «ножиддийлик»ни қўшаман;
- Сайтда ҳеч қачон чиқмайдиган материалларни Gazeta бренди остида эълон қиламан;
- «Газетачилик услуби»га қарши курашаман — ҳозирча бу кураш фақат Instagram жабҳасида ва у кўп ҳам муваффақиятли кечаётгани йўқ;
- Ҳали ҳам обуначилар сонини 100 мингтага етказа олганим йўқ, лекин етказишга ҳаракат қиляпман;
- Баъзан ўринли, баъзан эса шунчаки ақллилик қиламан, ҳар доим ҳамма нарса ҳақида ўз фикрим бор — ҳатто сўрашмаса ҳам.
Gazeta`ни тўғрилиги, ортиқча шов-шув йўқлиги ва нимага урғу беришни билгани учун ёқтираман.
Бу ерда беш йилдан бери ишлайман — бошқа ҳеч қаерда бунчалик узоқ вақт ишламаганман. Gazeta’нинг сири нимада? Ишонч, ўзаро ҳурмат, горизонтал иерархия ва соғлом ақлда. Gazeta менга қилган ишим учун жавобгарликни ҳис қилишни ва нимагадир қодир эканимни, қолаверса, буни яхши уддалай олишимни ўргатди.
Бу ерда беш йилдан бери ишлайман — бошқа ҳеч қаерда бунчалик узоқ вақт ишламаганман. Gazeta’нинг сири нимада? Ишонч, ўзаро ҳурмат, горизонтал иерархия ва соғлом ақлда. Gazeta менга қилган ишим учун жавобгарликни ҳис қилишни ва нимагадир қодир эканимни, қолаверса, буни яхши уддалай олишимни ўргатди.
Зилола Тоирова
Instagram кичик муҳаррири, мухбир
Ижтимоий тармоқлар учун янгиликларни таҳрирлайман, баъзан эса мэмлар ва вирусли «тредлар» ҳам қиламан. Баъзида интервью оламан, мақолалар ёзаман ва инглиз тилига таржима қиламан.
Менга ҳамкасбларнинг ғамхўрлиги ва ўсимликларга тўла очиқ офис ва қаҳва ёқади! Гап иш ҳақида кетяпти-ку, тўғрими? Агар Gazeta’ни нашр сифатида олсак, унда фактчекинг, манбалар билан ишлаш, репортажлар ва лонгридларни жуда қадрлайман.
Бу ерда мени таҳририят стандартлари ҳамда шаҳар ва мамлакатни яхшироқ қилиш учун ҳар ким ўз ҳиссасини қўшишга интиладиган жамоа ушлаб туради. Мен ҳам бу жамоанинг, ҳам ўзгаришларнинг бир қисми бўлишни истайман. Gazeta’га келишимдан олдин журналистика соҳасида ишламаганман, аммо шунга қарамай, ҳамкасбларим бошланғич қадамларимда жуда кўп ёрдам беришяпти ва қўллаб-қувватлашяпти. Журналистлар, фотографлар, мухбирлар ва айниқса муҳаррирлар — ҳар бирингизни ҳурмат қиламан ва сизлардан илҳом оламан.
Менга ҳамкасбларнинг ғамхўрлиги ва ўсимликларга тўла очиқ офис ва қаҳва ёқади! Гап иш ҳақида кетяпти-ку, тўғрими? Агар Gazeta’ни нашр сифатида олсак, унда фактчекинг, манбалар билан ишлаш, репортажлар ва лонгридларни жуда қадрлайман.
Бу ерда мени таҳририят стандартлари ҳамда шаҳар ва мамлакатни яхшироқ қилиш учун ҳар ким ўз ҳиссасини қўшишга интиладиган жамоа ушлаб туради. Мен ҳам бу жамоанинг, ҳам ўзгаришларнинг бир қисми бўлишни истайман. Gazeta’га келишимдан олдин журналистика соҳасида ишламаганман, аммо шунга қарамай, ҳамкасбларим бошланғич қадамларимда жуда кўп ёрдам беришяпти ва қўллаб-қувватлашяпти. Журналистлар, фотографлар, мухбирлар ва айниқса муҳаррирлар — ҳар бирингизни ҳурмат қиламан ва сизлардан илҳом оламан.
Фарзона Ҳамидова
Мухбир
Менда доим одамларга ёрдам бериш ва уларнинг ҳаётини яхшироқ томонга ўзгартириш истаги бўлган. Вақт ўтиб, бунга сўз орқали эришиш мен учун тўғри йўл эканини англадим. Атроф-муҳитни кузатар эканман, унинг гўзаллигини оддий нарсаларда кўраман: йўловчилар табассумларида, самимий суҳбатларда, бегона бўлса-да, жуда яқин тақдирларда.
Мен инсоний ҳикояларини эҳтиёткорлик, диққат ва илиқлик билан йиғаман ва уларни ҳар ким ўзини кўриши мумкин бўлган матнларга айлантираман.
Gazeta’да ишлаётганимга уч йил бўлди. Бу ерда мен одамларни бирлаштираман — бирор бир инсон ҳақида ҳикоя қилар эканман, унинг ҳикоясини умумий, катта ва жонли манзаранинг бир бўлаги сифатида кўраман. Бир инсон тақдирини дунёга сўзлаб бериб, юзлаб бошқа одамларни яқинлаштириш мумкинлигига ишонаман. Ишимнинг маъноси ҳам айнан шундан келиб чиқади — эшитиладиган овоз бўлиш ва бирлаштирувчи кўприкка айланиш.
Gazeta менга тинглаш, сўзлаш ва эшитилиш, жонли ҳикоялар билан ишлаш ва ўқувчиларнинг муносабатини кўриш имконини беради. Керакли ва фойдали эканимни ҳис қилишим мени бу ерда ушлаб туради. Бу ерда материалларим одамларни қўллаб-қувватлаши, илҳомлантириши ва бирлаштириши, уларнинг қалбида акс-садо топиши ва ўзларинининг аҳамиятини ҳис қилишларига ёрдам бериши мумкинлигини тушунаман.
Мен учун ўқувчи материалларимни ўқиб, у ёлғиз эмаслигини, уни эшитишларини ва тушунишларини англаши муҳим. Агар ҳикоя қилинган биттагина воқеа ҳам кимгадир бошқа бир инсонга ёки ўзига қараб бир қадам ташлашга ёрдам берса, демак, барчаси бежиз эмас.
Мен инсоний ҳикояларини эҳтиёткорлик, диққат ва илиқлик билан йиғаман ва уларни ҳар ким ўзини кўриши мумкин бўлган матнларга айлантираман.
Gazeta’да ишлаётганимга уч йил бўлди. Бу ерда мен одамларни бирлаштираман — бирор бир инсон ҳақида ҳикоя қилар эканман, унинг ҳикоясини умумий, катта ва жонли манзаранинг бир бўлаги сифатида кўраман. Бир инсон тақдирини дунёга сўзлаб бериб, юзлаб бошқа одамларни яқинлаштириш мумкинлигига ишонаман. Ишимнинг маъноси ҳам айнан шундан келиб чиқади — эшитиладиган овоз бўлиш ва бирлаштирувчи кўприкка айланиш.
Gazeta менга тинглаш, сўзлаш ва эшитилиш, жонли ҳикоялар билан ишлаш ва ўқувчиларнинг муносабатини кўриш имконини беради. Керакли ва фойдали эканимни ҳис қилишим мени бу ерда ушлаб туради. Бу ерда материалларим одамларни қўллаб-қувватлаши, илҳомлантириши ва бирлаштириши, уларнинг қалбида акс-садо топиши ва ўзларинининг аҳамиятини ҳис қилишларига ёрдам бериши мумкинлигини тушунаман.
Мен учун ўқувчи материалларимни ўқиб, у ёлғиз эмаслигини, уни эшитишларини ва тушунишларини англаши муҳим. Агар ҳикоя қилинган биттагина воқеа ҳам кимгадир бошқа бир инсонга ёки ўзига қараб бир қадам ташлашга ёрдам берса, демак, барчаси бежиз эмас.
Дилявер Аблякимов
Мухбир
Ҳозир ва шу ерда — бизнинг давримизда нима содир бўлаётганини қоғозга тушираман. Кўп суратга оламан, микрофон билан ўтга ҳам, сувга ҳам кираман, аҳоли қурилиш компанияларига қарши қандай курашаётгани ҳақидаги ҳикояларни тинглайман. Вақтимнинг ярмини давлат идоралари матбуот хизматларидан жавоб кутиб ўтказаман.
Gazeta’да икки йилдан бери ишлайман, фойдали ва мазмунли иш қилаётганимни ҳис этиш менга ёқади.
Нашрни таъсир ўтказиш дастаги, деб биламан. Шунинг ўзи ҳам, аудиториямиз ҳам мени ушлаб туради. Gazeta — мамлакат ва шаҳарлар дардини муҳим қарорлар қабул қилаётганларга етказиш, шаҳар ва аҳолининг яхшироқ яшашига тўсқинлик қилаётган нарсаларга қандайдир даражада қарши туриш имконини берадиган восита.
Журналистика қоидаларига кўра, Gazeta жамият ва ҳокимият ўртасидаги ҳақиқий кўприк ҳисобланади.
Gazeta’да икки йилдан бери ишлайман, фойдали ва мазмунли иш қилаётганимни ҳис этиш менга ёқади.
Нашрни таъсир ўтказиш дастаги, деб биламан. Шунинг ўзи ҳам, аудиториямиз ҳам мени ушлаб туради. Gazeta — мамлакат ва шаҳарлар дардини муҳим қарорлар қабул қилаётганларга етказиш, шаҳар ва аҳолининг яхшироқ яшашига тўсқинлик қилаётган нарсаларга қандайдир даражада қарши туриш имконини берадиган восита.
Журналистика қоидаларига кўра, Gazeta жамият ва ҳокимият ўртасидаги ҳақиқий кўприк ҳисобланади.
Орифжон Ҳошимов
Мухбир
Матнли ва фотоматериалларимда шаҳар ва мамлакат қандай ўзгариб бораётгани ҳақидаги кузатувларимни қайд этишга ҳаракат қиламан.
Менга Gazeta реалликнинг ўзидан баландроқ бўлишга интилмаслиги ёқади. Бу ерда мени ишимнинг аҳамиятли эканини ҳис қилиш ушлаб туради. Баъзан материалларимизга таянилган муҳокамаларни, инфлюенсерларнинг фикрларини кўраман.
Менга Gazeta реалликнинг ўзидан баландроқ бўлишга интилмаслиги ёқади. Бу ерда мени ишимнинг аҳамиятли эканини ҳис қилиш ушлаб туради. Баъзан материалларимизга таянилган муҳокамаларни, инфлюенсерларнинг фикрларини кўраман.
Сабина Давлетмурадова
Мухбир
Мен махсус материаллар билан шуғулланаман: мавзуларга чуқур кириб бораман, экспертлар билан мулоқот қиламан ва улар билан бирга мураккаб ҳамда муҳим масалаларни тушунарли тилда ёритишга ҳаракат қиламан. Экологик кун тартиби билан имкони борича кўпроқ ишлашга интиламан, шунингдек ижтимоий тармоқлар ва YouTube учун видеоконтент тайёрлашда иштирок этаман.
Фридрих Шиллер ўзининг «Инсоннинг эстетик тарбияси ҳақидаги мактублар» асарида шундай ёзган: «Асринг билан яшагин, аммо унинг маҳсули бўлмагин; замондошларингга хизмат қил, аммо улар мақтаган нарса билан эмас, балки улар эҳтиёж сезган нарса билан хизмат қил».
Фридрих Шиллер ўзининг «Инсоннинг эстетик тарбияси ҳақидаги мактублар» асарида шундай ёзган: «Асринг билан яшагин, аммо унинг маҳсули бўлмагин; замондошларингга хизмат қил, аммо улар мақтаган нарса билан эмас, балки улар эҳтиёж сезган нарса билан хизмат қил».
Бу сатрлар мен учун нафақат журналистикада, балки бошқа соҳаларда ҳам йўл-йўриқ бўлиб хизмат қилади. Gazeta’да биз қамров ёки кўришлар сони ортидан қувмай, ҳақиқатан ҳам аҳамиятли бўлган мавзулар ҳақида ёзишимиз мен учун жуда муҳим. Бу ерда ўқувчига ҳурмат билан қаралади ва аудитория фикрлайди, деган қараш устувор. Шу сабабли шошилмасликка, «клик» учун босим қилмасликка, мавзуларга чуқур киришга, фактларни текширишга ва материал тўла тушунарли бўлмагунча уни эълон қилмасликка имкониятимиз бор.
Мени бу нашрда ишимнинг жамоатчилик учун аҳамиятга эга эканини ҳис қилиш ушлаб туради. Шунингдек, ривожланиш, янги мавзуларни синаб кўриш, уларга чуқурроқ кириш ва турли соҳалардан бўлган қизиқарли, кучли экспертлар билан танишиш ҳамда мулоқот қилиш имконияти ҳам муҳим.
Мени бу нашрда ишимнинг жамоатчилик учун аҳамиятга эга эканини ҳис қилиш ушлаб туради. Шунингдек, ривожланиш, янги мавзуларни синаб кўриш, уларга чуқурроқ кириш ва турли соҳалардан бўлган қизиқарли, кучли экспертлар билан танишиш ҳамда мулоқот қилиш имконияти ҳам муҳим.
Медиа бўлими
Евгений Сорочин
Бўлим раҳбари, музёрар одам
- Продакшн-директор
- Фотограф
- Оператор
- Документалист
- Нашрда тўлиқ метражли фильм суратга оладиган ягона инсон
- Колорист
- Ретушчи
- Кутубхоначи
- Техник директор ўринбосари
- Мухбир
- Сузиш бўйича инструктор
- Боғбон ва деҳқон
- Саёҳатчи
Gazeta’да тахминан беш йилдан бери ишлайман, аммо ўзимни у билан деярли асос солинган пайтдан бери биргадек ҳис қиламан. Нашр жамоаси ва ҳамкасблар қўллаб-қувватлаши менга ёқади. Бизда ҳамма ривожланишга, масъулиятли, очиқ ва тўғри бўлишга интилади.
Нашрда қолишимга сабаб — «ҳаётда ҳам, суратга олишда ҳам ёруғлик муҳим» деган қарашга амал қилишим. Жамиятга фойда келтириш, доим ҳам ёқимли бўлмаган мавзуларни кўтариш, бироқ эътиборни ижобий ва гўзал томонга қаратиш мен учун муҳим. Буларнинг барчасини Gazeta’да бир вақтнинг ўзида қилиш мумкин. Шу боис мен ҳам, атрофимдагилар ҳам, жамият ва мамлакатимиз ҳам яхшироқ бўлиб бормоқда.
Gazeta’да тақиқланган мавзулар йўқ. Бир иш куни ичида ёнғинга гувоҳ бўлишим, юлдуз билан эксклюзив интервьюда қатнашишим, адолатсизликка дуч келишим, кўргазмага боришим, бир сутка ўтиб эса океан ортига учиб, номаълум жойда пайдо бўлишим мумкин. Энг муҳими — батарея ва хотира доим етарли бўлсин.
Нашрда қолишимга сабаб — «ҳаётда ҳам, суратга олишда ҳам ёруғлик муҳим» деган қарашга амал қилишим. Жамиятга фойда келтириш, доим ҳам ёқимли бўлмаган мавзуларни кўтариш, бироқ эътиборни ижобий ва гўзал томонга қаратиш мен учун муҳим. Буларнинг барчасини Gazeta’да бир вақтнинг ўзида қилиш мумкин. Шу боис мен ҳам, атрофимдагилар ҳам, жамият ва мамлакатимиз ҳам яхшироқ бўлиб бормоқда.
Gazeta’да тақиқланган мавзулар йўқ. Бир иш куни ичида ёнғинга гувоҳ бўлишим, юлдуз билан эксклюзив интервьюда қатнашишим, адолатсизликка дуч келишим, кўргазмага боришим, бир сутка ўтиб эса океан ортига учиб, номаълум жойда пайдо бўлишим мумкин. Энг муҳими — батарея ва хотира доим етарли бўлсин.
Искандар Мирзааҳмедов
Оператор, монтаж режиссёри, марафончи
Ҳар йили 1 январь тонгида Тошкентни суратга оламан. Рус тилидаги таҳририят учун барча горизонтал ва вертикал видеоларни монтаж қиламан. Баъзан эса шунчаки одамлар, шаҳар ёки воқеаларни суратга оламан.
Жамият ва ўз шаҳри учун нимадир қилишни истайдиган одамлар билан ишлашни яхши кўраман. Жамоада умумий мақсад бўлса, иш ҳам осон, ҳам ёқимли бўлади.
Gazeta билан қолишимга сабаб — бу ерда ҳар ким мамлакат ҳаётини яхшилашга, Ўзбекистонда ижобий ўзгаришлар ва қулай ҳаёт яратишга ўз ҳиссасини қўшаётгани. Мамлакатга фойда келтираётганимни ҳис қилиш мени бу нашрда ушлаб туради.
Жамият ва ўз шаҳри учун нимадир қилишни истайдиган одамлар билан ишлашни яхши кўраман. Жамоада умумий мақсад бўлса, иш ҳам осон, ҳам ёқимли бўлади.
Gazeta билан қолишимга сабаб — бу ерда ҳар ким мамлакат ҳаётини яхшилашга, Ўзбекистонда ижобий ўзгаришлар ва қулай ҳаёт яратишга ўз ҳиссасини қўшаётгани. Мамлакатга фойда келтираётганимни ҳис қилиш мени бу нашрда ушлаб туради.
Маъмуржон Обраҳматов
Оператор
Каналимизга кумуш кнопка бериши учун YouTube билан «келишганман».
Видео тасвирга оламан, уни монтаж қиламан, ижтимоий тармоқларга юклайман ва баъзида керак бўлса суратлар оламан.
Gazeta ошхонасида микротўлқинли печь борлиги менга ёқади. Чунки менда овқатланиш учун кам вақт бўлади. Ярим тайёр овқатни қиздириб ейиш учун 10-15 дақиқа кетади. Бу ишга кўпроқ фокус қаратишимга ёрдам беради.
Иш сифати учун микроволновка бўлиши жуда муҳим!
Бу ерда мени ушлаб турган нарсалар — ҳурмат ва муҳаббат!
Видео тасвирга оламан, уни монтаж қиламан, ижтимоий тармоқларга юклайман ва баъзида керак бўлса суратлар оламан.
Gazeta ошхонасида микротўлқинли печь борлиги менга ёқади. Чунки менда овқатланиш учун кам вақт бўлади. Ярим тайёр овқатни қиздириб ейиш учун 10-15 дақиқа кетади. Бу ишга кўпроқ фокус қаратишимга ёрдам беради.
Иш сифати учун микроволновка бўлиши жуда муҳим!
Бу ерда мени ушлаб турган нарсалар — ҳурмат ва муҳаббат!
Шаҳзод Ҳабибуллаев
Монтаж режиссёри
Де юре — монтаж режиссёриман, де факто — Adobe дастурларини ушлаб турадиган саккизоёқ.
Gazeta`да «Асосийси ишни дўндириб қўй, қолганини эпласа бўлади», деган муносабат бор, менга шу ёқади.
Gazeta`да интровертлигим ушлаб туради. Чунки янги жойда яна янги ҳамкасблар билан танишиш керак.
Gazeta`да «Асосийси ишни дўндириб қўй, қолганини эпласа бўлади», деган муносабат бор, менга шу ёқади.
Gazeta`да интровертлигим ушлаб туради. Чунки янги жойда яна янги ҳамкасблар билан танишиш керак.
Беҳзод Ҳабибуллаев
Монтаж режиссёри
Одамларга янгиликларни видео кўринишида етиб бориши учун хизмат қиламан.
Gazeta`даги муҳит, ундаги инсонлар ва компания танлаган йўли менга жуда ёқади. Таҳририятга бўлган меҳрим мени бу ерда ушлаб туради.
Gazeta`даги муҳит, ундаги инсонлар ва компания танлаган йўли менга жуда ёқади. Таҳририятга бўлган меҳрим мени бу ерда ушлаб туради.
Муродбек Юсуф
Фотограф
Асосан фоторепортажлар тайёрлайман. Gazeta`да менга ҳамма нарса ёқади, айниқса ходимлар ва ички муҳит. Жамоанинг менга бўлган ишончи — мени улар билан ишлашимнинг асосий сабаби.
Дилруҳ Исомиддинова
Фотомухбир
«Ирода» лойиҳаси қаҳрамонларини суратга оламан, ҳамкасбларимга стенограмма қилишда ҳам ёрдам берганман.
Gazeta`даги холислик, оғир-вазминлик билан ёндашилган материаллар, мавзуларнинг чертиб-чертиб танланиши, жамоадаги дўстона ва самимий муҳит, эркинлик ва эмпатлик менга жуда ёқади.
Gazeta`даги холислик, оғир-вазминлик билан ёндашилган материаллар, мавзуларнинг чертиб-чертиб танланиши, жамоадаги дўстона ва самимий муҳит, эркинлик ва эмпатлик менга жуда ёқади.
Бэкофис — барча иш шу бўлимга таянади
Шуҳрат Таджиев
GR бўйича маслаҳатчи
Давлат органлари билан алоқаларни қўллаб-қувватлашга кўмаклашаман, материаллар тайёрлайман, таҳририят ходимлари учун меҳрибон ва ёрдамга шай ҳамкасб бўлишни истайман.
Менга Gazeta’нинг принципиаллиги, мустақиллиги, долзарб сиёсий ва ижтимоий-иқтисодий муаммоларни аниқлаб, уларга жавоб топа олиши, одамларга ёрдам беришга тайёрлиги, юқори интеллектуал даражаси ва профессионаллиги ёқади.
Менга Gazeta’нинг принципиаллиги, мустақиллиги, долзарб сиёсий ва ижтимоий-иқтисодий муаммоларни аниқлаб, уларга жавоб топа олиши, одамларга ёрдам беришга тайёрлиги, юқори интеллектуал даражаси ва профессионаллиги ёқади.
Наталья Баймуратова
Бухгалтер
Дебет билан кредитни тенглаштириб бораман, ҳисоб-китоблар, ҳисоботлар ва балансларни юритаман.
Gazeta — бу ҳар доим энг долзарб ва ишончли ахборот, шунингдек, ажойиб жамоа.
Gazeta — бу ҳар доим энг долзарб ва ишончли ахборот, шунингдек, ажойиб жамоа.
Камила Кувандикова
Кадрлар бўлими бошлиғи
Бухгалтерия ва кадрлар билан шуғулланаман, Gazeta контентини ҳам, ундаги одамларни ҳам яхши кўраман.
Дамир Сагдиев
Ўлмас Кошчей
Мен Gazeta’да у ҳали йўқ пайтда ҳам ишлаганман. Нима билан шуғулланишимни ҳеч ким билмайди, ҳатто ўзим ҳам. Аммо гап-сўзларга қараганда, техник муаммолар чиққанида мен уларни ҳал қиламан. Шунингдек, нашр барқарор ишлаши ва ривожланишига ҳисса қўшаман. Орзум — барча муҳаррирларни сунъий интеллектга алмаштириш.
Gazeta’да ишлашимни айтсам, менга ҳурмат билан муносабатда бўлишади. Айнан шу, шунингдек, туганмас қаҳва мени Gazeta’да ушлаб туради (афсуски, печенье йўқ).
Gazeta’да ишлашимни айтсам, менга ҳурмат билан муносабатда бўлишади. Айнан шу, шунингдек, туганмас қаҳва мени Gazeta’да ушлаб туради (афсуски, печенье йўқ).
Дмитрий Устинов
IT
Хогвартсдан ташқарида рухсат этилган сеҳрдан фойдаланиб, барча механизмлар соз ишлашини таъминлайман, баъзан ниманидир яхшилайман ва сайт ҳамда у билан боғлиқ сервисларга янги, (умид қиламанки) фойдали имкониятлар қўшаман.
Менга жамоанинг профессионаллиги, ишга чуқур ва пухта ёндашуви, қизиқарли ихтисослашган вазифалар қўйиши ёқади. Gazeta менга — ходимларини қадрлайдиган ва ҳурмат қиладиган компаниянинг бир қисми бўлиб қолган ҳолда — ўзимни ривожлантириш, дастурчи сифатида кўникмаларимни ошириш имконини беради.
Менга жамоанинг профессионаллиги, ишга чуқур ва пухта ёндашуви, қизиқарли ихтисослашган вазифалар қўйиши ёқади. Gazeta менга — ходимларини қадрлайдиган ва ҳурмат қиладиган компаниянинг бир қисми бўлиб қолган ҳолда — ўзимни ривожлантириш, дастурчи сифатида кўникмаларимни ошириш имконини беради.
Ва бу ҳали ҳамма эмас. Gazeta`нинг инглиз тили таҳририяти муҳаррирлари инглиз тилидаги аудитория учун қизиқ бўлган материалларни тайёрлашади ва таржима қилишади. Тижорат бўлимидаги ҳамкасбларимиз реклама берувчиларни топиб, улар билан алоқада бўлиб туришади, ва шунинг ҳисобига сайт доимгидек ишлаши ва ривожланиши мумкин. Ўнлаб инсонлар кўп йиллар давомида муаллиф, фотограф ва эксперт сифатида таҳририят ишига беқиёс ҳисса қўшиб келишмоқда. Улар орасида таълим соҳасидаги эксперт Комил Жалилов, иқтисодчилар Беҳзод Ҳошимов ва Ботир Қобилов, инклюзив ривожланиш соҳасидаги тадқиқотчи Дилмурод Юсупов, дизайнер Азамат Шамузафаров ва бошқа кўплаб кишилар бор. Фотограф Ҳусниддин Ато Gazeta очилганидан буён таҳририят билан ҳамкорлик қилади, охирги йилларда эса ўзининг кўплаб шогирдларини ҳам ишга жалб қилмоқда. Кўплаб собиқ ходимларимиз бошқа таҳририятларда, компанияларда ва ташкилотларда ишлашади. Биз ҳар бир кишидан уларнинг иштироки ва қўллаб-қувватлагани учун чуқур миннатдормиз.
Post Scriptum
Ва албатта, азиз муштарийлар, сизлар бўлмаганингизда Gazeta ҳам бўлмасди.
Бизни кузатишда давом этаётганлигингиз учун раҳмат.
Бизни кузатишда давом этаётганлигингиз учун раҳмат.
Фотосуратлар муаллифи: Евгений Сорочин.
Матн ва график материалларга бўлган барча ҳуқуқлар Gazeta таҳририятига тегишли. Gazeta интернет-нашри сайтида эълон қилинган материаллардан фойдаланиш шартлари билан қуйидаги ҳаволада танишишингиз мумкин.
Қизиқарли нарсаларни биласизми? У ҳақида бошқаларга айтиб бермоқчимисиз? Ўз ҳикоянгизни sp@gazeta.uz электрон манзилига юборинг.
