“Ro‘yxatga olishdan keyin
bog‘cha, maktab quriladi, yo‘llarimiz ravon bo‘ladi”
bog‘cha, maktab quriladi, yo‘llarimiz ravon bo‘ladi”
Forishda ro‘yxatga olish qanday o‘tyapti?
“Ro‘yxatga olishdan keyin bog‘cha, maktab quriladi, yo‘llarimiz ravon bo‘ladi”
Forishda ro‘yxatga olish qanday o‘tyapti?
4-fevraldan O‘zbekistonda ro‘yxatga olishning ikkinchi bosqichi boshlandi. Ro‘yxatga oluvchilar uyma-uy yurib, ma’lumotlarni planshet orqali kiritmoqda. Gazeta muxbiri Forish tumanidagi chekka hududlardan birida bo‘lib, aholining ro‘yxatga olishdan katta umidlari borligiga guvoh bo‘ldi.
4-fevraldan O‘zbekistonda ro‘yxatga olishning ikkinchi bosqichi boshlandi. Ro‘yxatga oluvchilar uyma-uy yurib, ma’lumotlarni planshet orqali kiritmoqda. Gazeta muxbiri Forish tumanidagi chekka hududlardan birida bo‘lib, aholining ro‘yxatga olishdan katta umidlari borligiga guvoh bo‘ldi.
15-31-yanvar kunlari O‘zbekistonda aholi va qishloq xo‘jaligini ro‘yxatga olishning birinchi bosqichi bo‘lib o‘tdi. Unda fuqarolar census.stat.uz sayti orqali o‘zlari va oila a’zolarini ro‘yxatdan o‘tkazdilar.
Milliy statistika qo‘mitasi bergan ma’lumotlarga ko‘ra, 17 kun davomida mamlakatning 30 milliondan ortiq aholisi savolnomani onlayn to‘ldirib, ro‘yxatdan o‘tgan.
Ro‘yxatga olishning ikkinchi bosqichi 4 fevraldan 28-fevralgacha davom etadi. Ushbu davrda ro‘yxatga oluvchilar uyma-uy yurib, onlayn ro‘yxatga olish vaqtida kiritilgan noto‘g‘ri ma’lumot to‘g‘rilashmoqda va savolnomalarni mustaqil to‘ldirolmaganlarni tizimga kiritmoqda.
Milliy statistika qo‘mitasi bergan ma’lumotlarga ko‘ra, 17 kun davomida mamlakatning 30 milliondan ortiq aholisi savolnomani onlayn to‘ldirib, ro‘yxatdan o‘tgan.
Ro‘yxatga olishning ikkinchi bosqichi 4 fevraldan 28-fevralgacha davom etadi. Ushbu davrda ro‘yxatga oluvchilar uyma-uy yurib, onlayn ro‘yxatga olish vaqtida kiritilgan noto‘g‘ri ma’lumot to‘g‘rilashmoqda va savolnomalarni mustaqil to‘ldirolmaganlarni tizimga kiritmoqda.
Gazeta muxbiri Otabek Turdiyev ro‘yxatga olishning ikkinchi bosqichi O‘zbekistonning chekka va olis hududlarida qanday ketayotganini o‘rganish uchun Jizzax viloyati Forish tumani Uchquloch mahallasida bo‘ldi.
Uchquloch Forishning shimoli-sharqi, Aydarko‘lning janubida joylashgan, 2200 nafardan ortiq aholisi bor mahalla. Uchquloch mahalla raisi Norbivi Ahmedovaning so‘zlariga ko‘ra, aholi, asosan, chorvachilik va baliqchilik bilan shug‘ullanadi.
Ko‘l esa odamlarga baliqchilikni kasb qilib bergan. Yaqinda atom elektr stansiyasi ham qo‘shimcha bo‘ldi – qishloq ahlining taxminan 10 foizi qurilish maydonida ishlaydi.
Uchquloch Forishning shimoli-sharqi, Aydarko‘lning janubida joylashgan, 2200 nafardan ortiq aholisi bor mahalla. Uchquloch mahalla raisi Norbivi Ahmedovaning so‘zlariga ko‘ra, aholi, asosan, chorvachilik va baliqchilik bilan shug‘ullanadi.
Ko‘l esa odamlarga baliqchilikni kasb qilib bergan. Yaqinda atom elektr stansiyasi ham qo‘shimcha bo‘ldi – qishloq ahlining taxminan 10 foizi qurilish maydonida ishlaydi.
"Qishloq nomi azaldan shunday atab kelingan. Yerni uch quloch qazish bilan yer ostida toza suv chiqa boshlagan. Shu-shu – Uchquloch".
Norbivi Ahmedova
Mahalla raisi
Forishga soat 09:30 da yetib bordik. Uchqulochda “mahalla yettiligi”ning uch nafar a’zosi — hokim yordamchisi Abdulatif Abduqahhorov, yoshlar yetakchisi Shohzod Ulug‘ov va ijtimoiy xodim Jahongir Ahmedov ro‘yxatga olish uchun hozirlanib turishgan ekan.
Ularda maxsus planshet bor, shuningdek, Statistika qo‘mitasi tasdig‘idan o‘tgan beyjik ham taqib olishgan.
Ularda maxsus planshet bor, shuningdek, Statistika qo‘mitasi tasdig‘idan o‘tgan beyjik ham taqib olishgan.
Shu kuni kechdan saharga dovur Forishda kuchli shamollar esdi. Elektr tarmog‘ida uzilishlar bo‘lgani hisobiga ikki soatcha qishloqda svet yonmadi. Ko‘p hollarda chekka qishloqlarda elektr o‘chishi hisobiga internet ham ishlamaydi, xuddi Uchquloch kabi. Ro‘yxatga oluvchilar bunday holatlar ish sur’atiga ta’sir qilmay qolmasligini ta’kidlaydi.
Jahongir Ahmedovning so‘zlariga ko‘ra, so‘rovnoma har kuni soat 09:00 dan 18:00 gacha davom etadi. Ular alohida ishlashadi va kuniga 8-10 ta atrofida xonadonlarni ro‘yxatdan o‘tkazadi.
Ular, shu bilan birga, o‘z vazifalarni ham bajarishadi: aholining muammolari – bandlik va ishsizlik, ta’lim, pensiyalar, kreditlar, tadbirkorlik va boshqa masalalarni hal qilishadi.
Ular, shu bilan birga, o‘z vazifalarni ham bajarishadi: aholining muammolari – bandlik va ishsizlik, ta’lim, pensiyalar, kreditlar, tadbirkorlik va boshqa masalalarni hal qilishadi.
“Bugun uchinchi kun, 103 ta xonadon qolgan. Har kuni 8-10 tadan xonadonlarni ro‘yxatdan o‘tkazayapmiz. Mahallaning 80 foiz aholisi o‘zi tushunib, onlayn ro‘yxatdan o‘tgan. Kamchiliklari borlarini bartaraf qilayapmiz”.
Abdulatif Abduqahhorov
Hokim yordamchisi, ro‘yxatga oluvchi
Uchquloch mahallasida istiqomat qiluvchi Ne’mat Komilov onlayn ro‘yxatdan o‘tish chog‘ida 8 sotixlik yer maydonini adashib 1 sotixdan kamroq qilib belgilagan. Xatolik haqida avtomatik bildirishnoma kelganidan so‘ng uni to‘g‘rilash va boshqa savollarga javob olish uchun hokim yordamchisi Ne’mat akaning uyiga bordi.
– Hovlingizda nimalar ekasiz?
– Kampir “balgarskiy-salgarskiy” ekadi, soyada uncha yaxshi bo‘lmaydi lekin. Ko‘kat ekiladi. Gul albatta ekiladi! Ekmasak, kampir qo‘ymaydi.
– Mevali daraxtlaringiz?
– Olma, o‘rik, behi, tut, bodom, smorodina.
– Jami nechta?
– Eee, kim sanabdi, 70-80 ta bor!
– Parrandalaringiz nechta?
– O‘ttizta tovuq bor. Prezident o‘ttizta tovug‘im bor deganiga men ham o‘ttizta tovuq boqyapman.
– Kampir “balgarskiy-salgarskiy” ekadi, soyada uncha yaxshi bo‘lmaydi lekin. Ko‘kat ekiladi. Gul albatta ekiladi! Ekmasak, kampir qo‘ymaydi.
– Mevali daraxtlaringiz?
– Olma, o‘rik, behi, tut, bodom, smorodina.
– Jami nechta?
– Eee, kim sanabdi, 70-80 ta bor!
– Parrandalaringiz nechta?
– O‘ttizta tovuq bor. Prezident o‘ttizta tovug‘im bor deganiga men ham o‘ttizta tovuq boqyapman.
Yana bir qancha savol-javoblardan keyin hokim yordamchisi Ne’mat akaga ma’lumotlari to‘g‘rilanganini aytib, ro‘yxatga olishda ishtirok etgani uchun rahmat aytib, boshqa xonadonlarga yo‘l oladi.
Uchqulochga eltuvchi avtomobil yo‘li AES qurilishi boshlangunicha havas qilarli darajada bo‘lmagan. Aholi yashash punktlaridagi ayrim ichki yo‘llar hamon ta’mirtalab.
Uchqulochga eltuvchi avtomobil yo‘li AES qurilishi boshlangunicha havas qilarli darajada bo‘lmagan. Aholi yashash punktlaridagi ayrim ichki yo‘llar hamon ta’mirtalab.
Mahalladan 5-6 chaqirim narida qurilayotgan AES
Ro‘yxatga olishni xuddi “open byudjet”dek qabul qilayotgan uchqulochliklar boshqa muammolar qatori yo‘llarning yaxshilanishidan ham umidvor.
“Ro‘yxatga olishdan keyin mahallamizda bog‘cha, maktab quriladi, yo‘llarimiz ravon bo‘ladi, degan niyatimiz bor”.
Norbivi Ahmedova
Mahalla raisi
O‘nqir-cho‘nqir yo‘llardan yurib kelgan Jahongir Ahmedov sheriklariga parallel ravishda qishloqdagi xonadonlarning biri – 79 yashar Norqo‘zi Abdullayevning hovlisida ro‘yxatga olish ishlarini olib bormoqda. Qisqa salom-alikdan so‘ng xodim ko‘zlarini planshetga qadab so‘z boshladi.
– Bu uyda chet el fuqarolari yashamagan, buni bilamiz.
– Men chet ellik-ku! – hazillashadi Norqo‘zi bobo. (Kulishadi)
– Qaysi tillarni bilasiz?
– Rus tilini beshga bilaman. Tojikcha uncha-muncha bilaman. Armancha ham, armiyada armanlar bilan xizmat qilganman.
– Ma’lumotingiz qanaqa?
– Maktabdan boshqa joyda o‘qimadim. SSSR payti poraxo‘rlik avjida edi. Shuning uchun o‘qiyolmadim-da.
– Markaziy suv ta’minoti – tashqarida bor. Issiq suv ta’minoti – yakka tartibda. Gaz… Suyultirilgan gaz ballonlari kelyaptimi?
– Ha, kelyapti, yaxshi.
– Chorva mollaringiz bormi? Nechta?
– Sigir bor, o‘nta qo‘y bor.
– Men chet ellik-ku! – hazillashadi Norqo‘zi bobo. (Kulishadi)
– Qaysi tillarni bilasiz?
– Rus tilini beshga bilaman. Tojikcha uncha-muncha bilaman. Armancha ham, armiyada armanlar bilan xizmat qilganman.
– Ma’lumotingiz qanaqa?
– Maktabdan boshqa joyda o‘qimadim. SSSR payti poraxo‘rlik avjida edi. Shuning uchun o‘qiyolmadim-da.
– Markaziy suv ta’minoti – tashqarida bor. Issiq suv ta’minoti – yakka tartibda. Gaz… Suyultirilgan gaz ballonlari kelyaptimi?
– Ha, kelyapti, yaxshi.
– Chorva mollaringiz bormi? Nechta?
– Sigir bor, o‘nta qo‘y bor.
Mahalla xodimi ishni tugatib, xayrlasharkan, Norqo‘zi bobo “endi yerga soliq chiqmaydimi?” deb so‘rab qoldi. Xodim shu kungacha qancha soliq to‘lab kelgan bo‘lsa, shunday to‘laverishini tushuntirdi.
“Bu soliq uchun emas, shunchaki aholini ro‘yxatga olish tartibi. Bu O‘zbekistonning iqtisodiy, ijtimoiy holatini belgilaydi”, – dedi ro‘yxatga oluvchi.
“Bu soliq uchun emas, shunchaki aholini ro‘yxatga olish tartibi. Bu O‘zbekistonning iqtisodiy, ijtimoiy holatini belgilaydi”, – dedi ro‘yxatga oluvchi.
“
– Xola, uyingiz qachon qurilgan? – deb so‘raydi Abdulatif Abduqahhorov yana bir xonadon egasidan.
– Bilmayman anig‘ini.
– 80-89-yillar deb yozaman unda. Nechta xonasi bor?
– 4 ta.
– Siz ham, xo‘jayiningiz ham pensiyadami?
– Ha, pensiyada, lekin dori-ukolga ham yetmaydi.
– Bilmayman anig‘ini.
– 80-89-yillar deb yozaman unda. Nechta xonasi bor?
– 4 ta.
– Siz ham, xo‘jayiningiz ham pensiyadami?
– Ha, pensiyada, lekin dori-ukolga ham yetmaydi.
“
– Nechta farzandingiz bor?
– To‘rt o‘g‘il, bir qiz.
– Qanaqa mevali daraxtlaringiz bor?
– Bodom, tut, olma. O‘rik bor edi, qurib qoldi.
– Qo‘ylaringiz bormi?
– Yo‘q, boshqa hech narsa yo‘q.
– To‘rt o‘g‘il, bir qiz.
– Qanaqa mevali daraxtlaringiz bor?
– Bodom, tut, olma. O‘rik bor edi, qurib qoldi.
– Qo‘ylaringiz bormi?
– Yo‘q, boshqa hech narsa yo‘q.
Aholi mahalla xodimlarini qo‘rqmasdan uylariga kiritishadi. Gulshoda Yo‘ldosheva ro‘yxatga oluvchi Abdulatif Abduqahhorovni ilgari ko‘rganini va uning mahallada ishlashini bilishini aytadi. Bo‘ynidagi beydjik ham unga ishonish mumkinligini tasdiqlaydi, aks holda unga shaxsiy ma’lumotlarni bermagan bo‘lardi.
Ayol allaqachon aholini ro‘yxatga olishni onlayn tarzda yakunlagan, ammo hokim yordamchisining so‘zlariga ko‘ra, qaynonasi ro‘yxatdan o‘tmagan.
Ayol allaqachon aholini ro‘yxatga olishni onlayn tarzda yakunlagan, ammo hokim yordamchisining so‘zlariga ko‘ra, qaynonasi ro‘yxatdan o‘tmagan.
Gulshoda Yo‘ldosheva
– Isitish tizimingiz?
– Pechka.
– Internet bor-a?
– Bor, WiFi ham bor.
– Hammom bormi?
– Ha, bor.
– Kanalizatsiya yakka tartibda ekan. Qaynonangiz nechta farzand dunyoga keltirgan?
– 3 nafar.
– Pechka.
– Internet bor-a?
– Bor, WiFi ham bor.
– Hammom bormi?
– Ha, bor.
– Kanalizatsiya yakka tartibda ekan. Qaynonangiz nechta farzand dunyoga keltirgan?
– 3 nafar.
Gulshoda Yo‘ldosheva aholini ro‘yxatga olish natijasida qishloq maktabining 10 va 11-sinf o‘quvchilari uchun ham kengayishidan umid qilmoqda.
“Bizda bolalar soni ko‘p, maktabimiz bitta. Xudo xohlasa, aholi to‘liq ro‘yxatdan o‘tsa, maktabimiz 10-11-yillik bo‘ladimi deb umid qilyapmiz. Katta maktabga chiqish uchun masofa uzoq. Qish , qorli kunlarda bolalar qiynalyapti. Shunga va mahallamiz yo‘llariga, hamma narsasiga foydasi bor deb o‘ylayman endi”.
Gulshoda Yo‘ldosheva
Fuqaro
Ushbu material O‘zbekiston milliy statistika qo‘mitasi ko‘magida tayyorlandi
Matn va fotosuratlar muallifi: Otabek Turdiyev
Matn va grafik materiallarga bo‘lgan barcha huquqlar Gazeta'ga tegishli.
Gazeta'da e'lon qilingan materiallardan foydalanish shartlari bilan havola orqali tanishish mumkin.
Qiziqarli narsalarni bilasizmi? U haqida boshqalarga aytib bermoqchimisiz? O‘z hikoyangizni sp@gazeta.uz elektron manziliga yuboring.
Matn va grafik materiallarga bo‘lgan barcha huquqlar Gazeta'ga tegishli.
Gazeta'da e'lon qilingan materiallardan foydalanish shartlari bilan havola orqali tanishish mumkin.
Qiziqarli narsalarni bilasizmi? U haqida boshqalarga aytib bermoqchimisiz? O‘z hikoyangizni sp@gazeta.uz elektron manziliga yuboring.
