«Мухлис бўлмаса, футбол ўлади»
Жаҳон чемпионатига тайёрланаётган ўзбеклар
«Мухлис бўлмаса, футбол ўлади»
Жаҳон чемпионатига тайёрланаётган ўзбеклар
Ўзбекистон фан-клуби аъзолари жаҳон чемпионатида миллий терма жамоага мухлислик қилиш учун Андижонда тайёргарлик кўрмоқда. Андижон фан-клуби раҳбари Нодиржон Тўйчиев бошчилигидаги мухлислар жўровозликда айтиладиган қўшиқ ва ҳайқириқларни машқ қиляпти. Gazeta уларнинг тайёргарлик жараёнларидан репортаж тайёрлади.
Ўзбекистон фан-клуби аъзолари жаҳон чемпионатида миллий терма жамоага мухлислик қилиш учун Андижонда тайёргарлик кўрмоқда. Андижон фан-клуби раҳбари Нодиржон Тўйчиев бошчилигидаги мухлислар жўровозликда айтиладиган қўшиқ ва ҳайқириқларни машқ қиляпти. Gazeta уларнинг тайёргарлик жараёнларидан репортаж тайёрлади.
Материал Coca-Cola кўмагида тайёрланган.
Футбол бўйича Ўзбекистон миллий терма жамоаси Жаҳон чемпионатига тайёргарлик доирасида Нью-Йорк (АҚШ) ва Эдмонтон (Канада) шаҳарларида ўртоқлик ўйинлари ўтказиб, ҳозирда Атланта шаҳрида машғулотлар олиб бормоқда. Терма жамоанинг «ўн иккинчи» ўйинчилари эса Ўзбекистонда миллат жамоасини қўллаб-қувватлаш учун ўзларининг махсус тайёргарлик дастурларини олиб боришди.
Gazeta мухбири 29-30 май кунлари Андижонда бўлиб, Ўзбекистон фан-клуби (Ultras Burgut) аъзоларининг футбол бўйича Жаҳон чемпионати учун тайёргарлик жараёнларидан репортаж тайёрлади. Отабек Турдиев трибунадаги «ўйинчилар» ҳикоялари билан танишиб, футболга муҳаббатнинг «андижонча» таъмидан баҳраман бўлди.
Gazeta мухбири 29-30 май кунлари Андижонда бўлиб, Ўзбекистон фан-клуби (Ultras Burgut) аъзоларининг футбол бўйича Жаҳон чемпионати учун тайёргарлик жараёнларидан репортаж тайёрлади. Отабек Турдиев трибунадаги «ўйинчилар» ҳикоялари билан танишиб, футболга муҳаббатнинг «андижонча» таъмидан баҳраман бўлди.
Ўзбекистон миллий терма жамоаси фан-клуби Абдураҳмон Фозилов бошчилигида 2007 йил ташқил қилинади. Клубга 16 ёш ва ундан катталар аъзо бўлиш мумкин. Бунинг учун пул тўланмайди.
Терма жамоа фан-клубининг асосий фигурантларидан бири эса “Андижон” клуби мухлислари ҳисобланади. Улар миллий терма жамоани ўйинларда доим қўллаб-қувватлаб келади. Фан-клуб илк бор 2006 йилда Burgut номи билан ташкил этилган. 2021 йилда эса Ultras Burgut’га ўзгаради. Ultras Burgut аъзолари биринчи марта миллий терма жамоа фан-клуби таркибида 2009 йили Мисрга сафар қилишган.
Андижон фан-клуби аъзолари трибунадаги юқори даражадаги чиқишлари, қўшиқлар ва ҳайқириқлари билан сўнгги йилларда кўпчилик мухлислар эътиборига тушди. Айниқса, «Анжанликлар келди!» қўшиғи фан-клубнинг рамзий мадҳиясига айланган.
Терма жамоа фан-клубининг асосий фигурантларидан бири эса “Андижон” клуби мухлислари ҳисобланади. Улар миллий терма жамоани ўйинларда доим қўллаб-қувватлаб келади. Фан-клуб илк бор 2006 йилда Burgut номи билан ташкил этилган. 2021 йилда эса Ultras Burgut’га ўзгаради. Ultras Burgut аъзолари биринчи марта миллий терма жамоа фан-клуби таркибида 2009 йили Мисрга сафар қилишган.
Андижон фан-клуби аъзолари трибунадаги юқори даражадаги чиқишлари, қўшиқлар ва ҳайқириқлари билан сўнгги йилларда кўпчилик мухлислар эътиборига тушди. Айниқса, «Анжанликлар келди!» қўшиғи фан-клубнинг рамзий мадҳиясига айланган.
«Даражамиз борлиги учун бизга ишонишяпти. Президентимиз ҳам қаттиқ-қаттиқ топшириқ берди. Жаҳон чемпионтига бориш анча-мунчасига эмас. Бу бизнинг орзумиз», – дейди Андижон фан-клуби раҳбари Нодиржон Тўйчиев.
Унинг сўзларига кўра, ҳозир машқ қилаётган қўшиқларига Ўзбекистон фан-клубининг барча аъзолари ва бошқа ўзбекистонлик мухлислар чемпионат ўйинлари вақтида қўшилади. Қўшиқларнинг сўзлари ҳаммага жўнатилган.
Унинг сўзларига кўра, ҳозир машқ қилаётган қўшиқларига Ўзбекистон фан-клубининг барча аъзолари ва бошқа ўзбекистонлик мухлислар чемпионат ўйинлари вақтида қўшилади. Қўшиқларнинг сўзлари ҳаммага жўнатилган.
Нодиржон Тўйчиев, Андижон фан-клуби раҳбари
Нодиржон Тўйчиев матнларни фан-клуб аъзолари «Ўзбекистон», «ўзбегим», «ўзбек» ва шунга ўхшаш сўзларни қатнаштириб ёзишини айтди. Қолаверса, улар миллий қўшиқлардан ҳам фойдаланишади:
Ғайра-ғайра, дам-бадам,
Оромижонимсан мани.
Ғайра-ғайра, дам-бадам,
Ўзбекистонимсан мани…
Трибунада, шунингдек, Шерали Жўраевнинг «Ўзбегим», «Ялла» гуруҳининг «Ўзбекистон ватаним», шунингдек, «Хоразмча лазги», «Андижон полкаси» ва бошқа миллий куй-қўшиқлар ҳам янграйди.
Ғайра-ғайра, дам-бадам,
Оромижонимсан мани.
Ғайра-ғайра, дам-бадам,
Ўзбекистонимсан мани…
Трибунада, шунингдек, Шерали Жўраевнинг «Ўзбегим», «Ялла» гуруҳининг «Ўзбекистон ватаним», шунингдек, «Хоразмча лазги», «Андижон полкаси» ва бошқа миллий куй-қўшиқлар ҳам янграйди.
Жаҳон чемпионатига «ўйнагани, ё дам олгани эмас, фақат ва фақат «ёриш»га, ишқибозлик қилиб, қўллаб-қувватлашга» бораётганларини таъкидлаган Нодиржон ака бу сафар аввал бўлмаган янгилик — ўзбек миллий мусиқа асбоблари(карнай, сурнай, қўш ноғора)ни ҳам «состав»га қўшганини таъкидлади.
Мухлисларнинг ҳайқириқ, қўшиқларидан ташқари, синхрон ҳаракатлар ҳам муҳим. Ҳамма бир вақтда қўлларини бир хил кўтарса, қарсак чалса, у ён-бу ёнга тебранса ва рақсга тушса, яққол кўзга ташланади. Бу ҳаракатлар, қайсидир маънода, томошабинга эстетик завқ, ватан футболчиларига шашт-шиддат беради.
Мухлисларнинг ҳайқириқ, қўшиқларидан ташқари, синхрон ҳаракатлар ҳам муҳим. Ҳамма бир вақтда қўлларини бир хил кўтарса, қарсак чалса, у ён-бу ёнга тебранса ва рақсга тушса, яққол кўзга ташланади. Бу ҳаракатлар, қайсидир маънода, томошабинга эстетик завқ, ватан футболчиларига шашт-шиддат беради.
“
«Қўшиқларимизни ёдлаб олган футболчиларимиз бор. Келиб биз билан бирга куйлашади. Жалолиддин Машарипов келади-да, қўлларни кўтариб-тушириш ҳаракатимизни биргаликда бажаради. Мухлислар жаҳон чемпионатига бормаса дейлик, футболчиларимиз гол уриб, қаёққа қарайди, ўзбеклар қани демайдими? Биз билан қучоқлашиб нишонлагиси келади. Бу жуда катта далда беради. Мухлисларсиз бўладиган бўлса, футболни йиғиштириб қўявериш керак», – дейди Нодиржон Тўйчиев.
Нодиржон ака тайёргарлик вақтида йигитларга танбеҳ бериб, пастда турадиган қўллар керак эмаслиги, қўллар ҳамиша тепада туришини айтади.
«Қўлни чўнтакка солиб, гердайиб юришни йиғиштирамиз. ЎФА томонидан кийимлар, шарф, қўшимча нарсалар берилади, ўйин куни киясизлар. Тағин кўча-кўйда кийиб юрманглар. Пардоз-андоз қилиб чиқишимиз керак, бизни ҳамма кўради. Йигитлар, жуда катта нарсага кетяпсизлар», — дейди Нодиржон Тўйчиев ўз укаларидек бўлиб қолган фан-клуб йигитларига.
«Қўлни чўнтакка солиб, гердайиб юришни йиғиштирамиз. ЎФА томонидан кийимлар, шарф, қўшимча нарсалар берилади, ўйин куни киясизлар. Тағин кўча-кўйда кийиб юрманглар. Пардоз-андоз қилиб чиқишимиз керак, бизни ҳамма кўради. Йигитлар, жуда катта нарсага кетяпсизлар», — дейди Нодиржон Тўйчиев ўз укаларидек бўлиб қолган фан-клуб йигитларига.
Фан-клуб қўшиқлари барабан, доира ва бошқа чолғу асбоблари оҳанги остида янграйди. Муҳаммаджон Тўлаков 2006 йилдан буён жамоанинг асосий барабанчиси бўлиб келган. Шунингдек, у барабанни тўйларда ҳам чалади. Аслида, Муҳаммаджон ака қабристонда гўрковлик қилади. Бўш вақт топилди дегунча севимли жамоасини қўллаб-қувватлашга ошиқади. Ахир унинг иштирокисиз мухлислар бир маромда куйлашининг имкони йўқ.
Муҳаммаджон ака барабан ортидан Ўзбекистон терма жамоаси билан дунё кезаётганини, Индонезия, Қатар, Баҳрайнга, икки бор Францияга бориб келганини ғурур билан таъкидлади.
Муҳаммаджон ака барабан ортидан Ўзбекистон терма жамоаси билан дунё кезаётганини, Индонезия, Қатар, Баҳрайнга, икки бор Францияга бориб келганини ғурур билан таъкидлади.
Муҳаммаджон Тўлаков
Олдин майдонга барабанни киритмасди, олиб қўйишарди. Бекитиб бўлса ҳам олиб кирардик. Ҳозир яхши. Ота-бобомиз орзу қилган нарсага, мана, биз эришяпмиз.
Муҳаммадали Шарипов
Тўлачадан келган, каттароқ барабани бор Муҳаммадали Шариповга «катта бас» деб лақаб қўйишган. Чунки у қўшиқлар жарангдор ва залворли эшитилиши учун кучли зарб бериб туради. Таҳсилни тарих фани йўналишида тугатган Муҳаммадали ҳазиллашиб ўзини «олий маълумотли барабанчи» деб атайди.
«Ичмаймиз, чекмаймиз, ичимиздаги ғуборни мана шу фанатлик билан чиқарамиз. Онам раҳматли ишимга қаршилик қилмаган. «Ëмон йўлдан юрма, нимани тўғри деб билсанг, шуни қил» деган. Аёлим эса «дадаси, унақа қилманг, кап-катта бўлиб қолдингиз» дерди, Америкага кетишимни эшитиб, мени ҳам олиб кетинг деяпти», — дейди Муҳаммадали кулиб.
«Ичмаймиз, чекмаймиз, ичимиздаги ғуборни мана шу фанатлик билан чиқарамиз. Онам раҳматли ишимга қаршилик қилмаган. «Ëмон йўлдан юрма, нимани тўғри деб билсанг, шуни қил» деган. Аёлим эса «дадаси, унақа қилманг, кап-катта бўлиб қолдингиз» дерди, Америкага кетишимни эшитиб, мени ҳам олиб кетинг деяпти», — дейди Муҳаммадали кулиб.
Андижонда ишлаб чиқариш цехи, қўл остида 20 нафар ишчиси бўлган Дилшодбек Абдураҳимов ҳам фан-клубнинг жонкуярларидан. У ҳамма ишини ташлаб, «яйраб, мазза қилгани, рақсга тушиб, ёзилиб, ёшликка қайтиш учун» ҳам жамоага қўшилиб юради.
Жўрабек Шербоев эса миллий терма жамоанинг мундиалга чиққан кунида қилган мухлислиги ортидан уни давлат раҳбари «Шуҳрат» медали билан «сийлаганини» айтди.
Жўрабек Шербоев эса миллий терма жамоанинг мундиалга чиққан кунида қилган мухлислиги ортидан уни давлат раҳбари «Шуҳрат» медали билан «сийлаганини» айтди.
“
«Мен буларнинг ҳаммасини қулоғига қуйиб бораман: севсанг, Ўзбекистонни севасан! Ўзбекистонга меҳр берса, юрагидан чиқаверади ҳаммаси. Битта нарса умидида қиладиган бўлса, менга бу ерда ҳеч нима йўқ экан, ё тирикчилик йўқ, ёки мен сафарга бормасам нима керак, дейдиганлар учун эмас бу. Юрагида ўти бор мухлисларни ўзим биламан», – дейди фан-клуб раҳбари Нодиржон ака.
Унинг айтишича, 2005 йилда «Андижон» қуйи лигага тушиб қолганида клубга эътибор пасайган. «Жамоанинг ейишга нони қолмаган» кезларда ун дўкони бўлган Нодиржон ака икки қоп ун, бир қоп пиёз, картошка, тухум, гўшт билан ёрдамлашади.
«Ўшанда уйимдагилар менга қаршилик қилиб, «нимага бола-чақангизга қилмайсиз шу нарсаларни, футбол сизга нима қилиб беради?» деган. Буни футболни яхши кўрганимдан қилганман. Энди, барибир, аёл киши оиласини кўпроқ ўйлайди-да», — дейди Нодиржон Тўйчиев.
«Ўшанда уйимдагилар менга қаршилик қилиб, «нимага бола-чақангизга қилмайсиз шу нарсаларни, футбол сизга нима қилиб беради?» деган. Буни футболни яхши кўрганимдан қилганман. Энди, барибир, аёл киши оиласини кўпроқ ўйлайди-да», — дейди Нодиржон Тўйчиев.
У мактабда ўқиб юрган пайтлари отаси футболга олиб борганлари, баъзан дарсдан қочиб, футболга кирганларини эслайди.
«Ўша вақтларда чет элдагидек мухлислик қила оламизми, деб кўп ўйлардим. Ҳозир ана шу нарсаларга етиб келдик. Мана, ўзбекона, маданиятли қўллаб-қувватлашни бошладик», — дейди Нодиржон ака.
«22 жинни тўпнинг ортидан югураверса, сенлар бақираверасанми?» деган қаршиликларни кулиб эслайдиган Нодиржон акани бутун Ўзбекистон танийди. Унинг Париж кўчаларида «Бобурийлар келди, Темурийлар келди!» дея жамоаси билан куйлаб юрганини дунё кўрди.
«Ўша вақтларда чет элдагидек мухлислик қила оламизми, деб кўп ўйлардим. Ҳозир ана шу нарсаларга етиб келдик. Мана, ўзбекона, маданиятли қўллаб-қувватлашни бошладик», — дейди Нодиржон ака.
«22 жинни тўпнинг ортидан югураверса, сенлар бақираверасанми?» деган қаршиликларни кулиб эслайдиган Нодиржон акани бутун Ўзбекистон танийди. Унинг Париж кўчаларида «Бобурийлар келди, Темурийлар келди!» дея жамоаси билан куйлаб юрганини дунё кўрди.
Жаҳон чемпионатига бориш учун ҳозирча Ultras Burgut’нинг 60 нафар аъзоларига виза чиққан. Қолганлар ҳам натижасини кутяпти.
Нодиржон Тўйчиевга кўра, наманганлик мухлисларнинг 13 нафарига, бир нафар қизилқумлик ва самарқандлик мухлисга ва “Бунёдкор”нинг икки нафар фан-клуб аъзосига виза берилган.
Фан-клуб аъзолари 16 июн куни йўлга тушмоқчи. Охирги тайёргарлик Америкада, қолган барча ўзбекистонлик мухлислар билан биргаликда бўлади. Шундан кейин улар Ўзбекистон миллий терма жамоаси ўйинларига тушиб, ҳақиқий мухлислик қанақа бўлишини кўрсатиб қўйишмоқчи.
Нодиржон Тўйчиевга кўра, наманганлик мухлисларнинг 13 нафарига, бир нафар қизилқумлик ва самарқандлик мухлисга ва “Бунёдкор”нинг икки нафар фан-клуб аъзосига виза берилган.
Фан-клуб аъзолари 16 июн куни йўлга тушмоқчи. Охирги тайёргарлик Америкада, қолган барча ўзбекистонлик мухлислар билан биргаликда бўлади. Шундан кейин улар Ўзбекистон миллий терма жамоаси ўйинларига тушиб, ҳақиқий мухлислик қанақа бўлишини кўрсатиб қўйишмоқчи.
Материални Отабек Турдиев тайёрлади.
Матн ва барча график материалларга бўлган ҳуқуқлар Gazeta'га тегишли. Gazeta'да эълон қилинган материаллардан фойдаланиш шартлари билан қуйидаги ҳаволада танишишингиз мумкин.
Қизиқарли нарсаларни биласизми? У ҳақида бошқаларга айтиб бермоқчимисиз? Ўз ҳикоянгизни sp@gazeta.uz электрон манзилига юборинг.
Матн ва барча график материалларга бўлган ҳуқуқлар Gazeta'га тегишли. Gazeta'да эълон қилинган материаллардан фойдаланиш шартлари билан қуйидаги ҳаволада танишишингиз мумкин.
Қизиқарли нарсаларни биласизми? У ҳақида бошқаларга айтиб бермоқчимисиз? Ўз ҳикоянгизни sp@gazeta.uz электрон манзилига юборинг.
