«Фанатлик – Ўзбекистонни севганимиздан»
Фан-клуб Жаҳон чемпионатида терма жамоани қандай қўллаб-қувватлади?
«Фанатлик – Ўзбекистонни севганимиздан»
Фан-клуб Жаҳон чемпионатида терма жамоани қандай қўллаб-қувватлади?
Футбол бўйича Жаҳон чемпионати доимо мухлислар байрамига айланади. Gazeta Америка ва Мексика кўчаларида ўз чиқишлари билан ёдда қолган фан-клуб, Ўзбекистоннинг илк ўйинида қуръага танга етказган Жавоҳир Шермуҳамматов ва терма жамоага 8 йилдан буён мухлислик қиладиган америкалик Коннор Меркле ҳақида ҳикоя қилади.
Футбол бўйича Жаҳон чемпионати доимо мухлислар байрамига айланади. Gazeta Америка ва Мексика кўчаларида ўз чиқишлари билан ёдда қолган фан-клуб, Ўзбекистоннинг илк ўйинида қуръага танга етказган Жавоҳир Шермуҳамматов ва терма жамоага 8 йилдан буён мухлислик қиладиган америкалик Коннор Меркле ҳақида ҳикоя қилади.
Ушбу материал
кўмагида тайёрланган.
Футбол бўйича Ўзбекистон фан-клуби аъзолари Америка, Канада ва Мексикада бўлиб ўтаётган Жаҳон чемпионатида Ўзбекистон терма жамоасининг гуруҳ босқичи ўйинларида футболчиларни қўллаб-қувватлади. Gazeta футбол мухлисларининг терма жамоага қандай далда бергани ва руҳан елкадош бўлгани, Атлантада яшовчи Коннорнинг Ўзбекистон футболига қандай қизиқиб қолгани ва тарихий ўйинни бошлаб бериш учун танга ташлаш маросимида иштирок этган Жавоҳир ҳақида ҳикоя қилади.
Таҳририят чемпионат бошланишидан аввалроқ фан-клубнинг Андижондаги тайёргарлик жараёнларидан ҳам репортаж тайёрлаган эди.
Таҳририят чемпионат бошланишидан аввалроқ фан-клубнинг Андижондаги тайёргарлик жараёнларидан ҳам репортаж тайёрлаган эди.
Ўзбекистон – Колумбия
Ўзбекистон ва Колумбия терма жамоалари ўртасидаги ўйин 18 июнь куни Мексикадаги оламшумул «Ацтека» стадионида бўлиб ўтди. Ўзбекистон фан клуби аъзолари «Ацтека»га «Темурийлар келди! Бобурийлар келди!» дея ҳайқириқлар билан кириб борди. Ўша учрашувдаги Аббосбек Файзуллаевнинг голи ЖЧда Ўзбекистон киритган биринчи гол бўлди.
Фан-клуб раҳбари Нодиржон Тўйчиевнинг эслашича, ўйин олдидан кўпчилик колумбиялик мухлислар билан юз бериши мумкин бўлган тўқнашувлар ҳақида огоҳлантирилган. Бироқ, ҳаммаси дўстона муҳитда ўтди — мухлислар футболкаларини алмашишди, эсдалик учун суратга тушишди, кўплаб колумбияликлар эса ўзбекистонликлардан миллий дўппиларни совға сифатида олишди.
«80 мингдан ортиқ одам сиғадиган майдонда 150 нафар мухлис билан Ўзбекистонни қўллаб-қувватлашга, футболчиларимизни ёлғизлатиб қўймасликка ҳаракат қилдик. Ҳеч кимдан чўчиганимиз йўқ, 90 дақиқа тиним билмай мухлислик қилдик».
Нодиржон Тўйчиев
Андижон фан-клуб раҳбари
«38 миллион овоз»
Кам сонли мухлис бориши мумкинлигини инобатга олган ҳолда Coca Cola аввалдан Ўзбекистон аҳлининг футболчиларни қўллаб-қувватловчи овозларини йиға бошлаган эди.
«Колумбия мухлислари озгина бўлган ўзбекистонликларни «еб қўйди». Бизнинг футболчиларга мана шу нарса етишмади. Шу жиҳатини ўйлаб, Ўзбекистоннинг турли нуқталаридаги университетларга бориб, одамларнинг овозларини йиғиб келдик. Ва якунда Севара Назархон билан «Олға, Ўзбекистон» номли қўшиқ тайёрладик», — дейди блогер ва Coca Cola ҳамкори Жавоҳир Шермуҳамматов.
«Колумбия мухлислари озгина бўлган ўзбекистонликларни «еб қўйди». Бизнинг футболчиларга мана шу нарса етишмади. Шу жиҳатини ўйлаб, Ўзбекистоннинг турли нуқталаридаги университетларга бориб, одамларнинг овозларини йиғиб келдик. Ва якунда Севара Назархон билан «Олға, Ўзбекистон» номли қўшиқ тайёрладик», — дейди блогер ва Coca Cola ҳамкори Жавоҳир Шермуҳамматов.
Шу билан бирга, Жавоҳир Ўзбекистон ва Колумбия терма жамоалари ўртасидаги ўйинда ҳакамларга ўйиндан олдинги қуръани ўтказиш учун танга етказиб берувчи сифатида ҳам танлаб олинган эди.
«Тангани олиб, майдонга туша бошлаганимдаги қалтироғимни сезиб, футболчиларимизни тушунгандек бўлдим. Тангани ҳакамга топширдим, Ҳамес Родригес билан кўришдим, кейин Элдор Шомуродов билан. Унга «ака, омад тилайман, биз сизларга ишонамиз, 38 миллион ўзбекистонликлар овозини ўзим билан олиб келдим» дедим-да, чиқиб кетдим», — дея Жавоҳир ўз таассуротлари билан бўлишади.
«Тангани олиб, майдонга туша бошлаганимдаги қалтироғимни сезиб, футболчиларимизни тушунгандек бўлдим. Тангани ҳакамга топширдим, Ҳамес Родригес билан кўришдим, кейин Элдор Шомуродов билан. Унга «ака, омад тилайман, биз сизларга ишонамиз, 38 миллион ўзбекистонликлар овозини ўзим билан олиб келдим» дедим-да, чиқиб кетдим», — дея Жавоҳир ўз таассуротлари билан бўлишади.
Ўзбекистон – Португалия
20 июнь куни Ҳьюстон шаҳрида АҚШдаги энг йирик ҳалол бозорлар тармоғидан бири — ASR Food Market эгаси Азамат Ҳамроқулов ва унинг жамоаси ўзбекистонлик мухлисларга палов тайёрашди. Ош пишгунча фан-клуб Ўзбекистоннинг Португалияга қарши ўйини учун репертуаридаги чиқишларни такрорлаб олди.
Тайёргарлик жараёнларига қўшилмаган, четда туриб тасвирга олиш билан машғул бўлган ўзбекистонликларни Нодиржон ака «ҳамма блогер бўлиб кетди» дея бироз койийди.
«Пулингиз, мошинангиз бўлса, ўзингизники, омадингизни берсин. Лекин Ўзбекистон учун фанатлик қилиш шарт», — деди у.
Тайёргарлик жараёнларига қўшилмаган, четда туриб тасвирга олиш билан машғул бўлган ўзбекистонликларни Нодиржон ака «ҳамма блогер бўлиб кетди» дея бироз койийди.
«Пулингиз, мошинангиз бўлса, ўзингизники, омадингизни берсин. Лекин Ўзбекистон учун фанатлик қилиш шарт», — деди у.
Бундан ташқари, Ҳьюстондаги ўзбекистонликлар жамияти аъзолари ҳам футбол мухлислари учун тадбир ташкил қилди. Бу ерда фан-клуб аъзолари ўзларининг ҳайқириқли чиқишлари билан фаол иштирок этиб, бошқаларни ҳам терма жамоа учун жонкуярлик қилишга чорлади.
«Шу куни Қозоғистон, Қирғизистон, Туркманистон, Тожикистон ва Туркиядан мухлислар келди. Ўйин-кулгу қилдик, чиқишларимизни биргаликда бажардик», — дейди Нодиржон Тўйчиев.
«Шу куни Қозоғистон, Қирғизистон, Туркманистон, Тожикистон ва Туркиядан мухлислар келди. Ўйин-кулгу қилдик, чиқишларимизни биргаликда бажардик», — дейди Нодиржон Тўйчиев.
“
«Кўпчилик ўзбекларимиз чекка-чеккада туришди. Келинглар, қўшилинглар, биргаликда бажарайлик деганда келишмади. Лекин қўшилганлари ҳам бўлди, уларга раҳмат. Бизда одамларнинг кибрини йўқотиш керак деб ўйлайман. Кўчада уларга раҳбарлик қилолмаймиз албатта, лекин стадион ва унинг атрофида ҳаракатларимизни биргаликда бажарсак, чиройли бўлади, деган қараш шаклланиши керак», — дея фан-клуб раҳбари бироз ранжиганини яширмади.
23 июнь куни Техаснинг NRG стадионида Ўзбекистон терма жамоаси Португалияга қарши ўйин ўтказди. Бироқ натижа (5:0) ҳеч кимни хурсанд қилмади. Нодиржон ака майдондаги мухлисларнинг 90 фоизи португалияликлар эканини айтаркан, ўйинга чипта олган ўзбекистонликлар ёки Ўзбекистонни қўлловчи мухлислар ҳар хил жойлардан ўриндиқ банд қилганини кўради.
«Айрим ўзбекларни ёнимизга чақириб, биргаликда мухлислик қилишни инстагандик, лекин у ерда тартиб қаттиқ экан, назоратчилар чиптадаги секторни кўриб, «жойингга бориб ўтир» дер экан. Шундай бўлса-да, ўзбекча мулойимлик билан “плиз, плиз» деб бир неча кишини ёнимизга олиб келолдик», — дейди у.
«Айрим ўзбекларни ёнимизга чақириб, биргаликда мухлислик қилишни инстагандик, лекин у ерда тартиб қаттиқ экан, назоратчилар чиптадаги секторни кўриб, «жойингга бориб ўтир» дер экан. Шундай бўлса-да, ўзбекча мулойимлик билан “плиз, плиз» деб бир неча кишини ёнимизга олиб келолдик», — дейди у.
Нодиржон Тўйчиевнинг сўзларига кўра, фан-клуб аъзолари ўйин давомида ўзбек миллий чолғуларини чалишни режалаштирган, бироқ жиддий чекловларга дуч келишган.
«Ўйинларга карнай-сурнайларни олиб кирмоқчи эдик, лекин жуда муаммоли экан. Ким чалса, папортини кўрсатиши, расмга тушиши керак экан. Шундай бўлса-да, Португалия билан ўйинда карнайни олиб кира олдик», – дейди Нодиржон Тўйчиев «карнай-сурнай нега кўринмади?» деган саволга жавобан.
«Ўйинларга карнай-сурнайларни олиб кирмоқчи эдик, лекин жуда муаммоли экан. Ким чалса, папортини кўрсатиши, расмга тушиши керак экан. Шундай бўлса-да, Португалия билан ўйинда карнайни олиб кира олдик», – дейди Нодиржон Тўйчиев «карнай-сурнай нега кўринмади?» деган саволга жавобан.
Ўйиндан кейин ўзбекистонликларнинг кайфияти тушиб кетди. Бироқ фан-клуб ўзида куч топиб, умидни йўқотмаслик учун ташқарига чиқиб яна ўйин-кулгу қилишга, футболчиларни руҳан қўллаб-қувватлашга ҳаракат қилди. Эҳтимол, ҳақиқий мухлисликнинг белгиларидан бири ҳам шудир.
«Ташқарида америкалик борми, португалми ёки бошқа миллат вакили, барчаси билан рақсга тушдик, ўйин кулгу қилдик, ўзбекона қўшиқлар, “ғайра-ғайра»ларни айтдик», — дейди Тўйчиев.
«Ташқарида америкалик борми, португалми ёки бошқа миллат вакили, барчаси билан рақсга тушдик, ўйин кулгу қилдик, ўзбекона қўшиқлар, “ғайра-ғайра»ларни айтдик», — дейди Тўйчиев.
Ўзбекистоннинг америкалик мухлиси
Атлантада яшовчи Коннор асли келиб чиқиши Германиядан. Ўзи маълумотлар таҳлилчиси. Шунингдек, кўп вақтини футболга бағишлайди.
«Менинг оилам Германиядан, шунинг учун футбол ҳар доим ҳаётимизнинг бир қисми бўлиб келган. Эсимни таниганимдан бери мен ўйинларни томоша қилганман, стадионларга борганман ва бирорта ҳам ўйинни ўтказиб юбормасликка ҳаракат қилганман», — дейди Коннор.
Оилавий анъаналардан ташқари, уни футболга доим жалб қилган нарса, шубҳасиз, бу энг халқаро спорт тури эканлигида.
«Кўплаб машҳур спорт турлари мавжуд, аммо футбол бутун дунё бўйлаб одамларни бирлаштиради. Қайси мамлакатдан эканлигингиз ёки кимлигингиз муҳим эмас — ҳамма бу ўйиннинг бир қисми бўлиши мумкин. Шунинг учун мен ҳар доим халқаро турнирлар, миллий чемпионатлар ва миллий терма жамоалар ўйинларини қизиқиш билан кузатиб борганман», — деб тушунтиради у.
«Менинг оилам Германиядан, шунинг учун футбол ҳар доим ҳаётимизнинг бир қисми бўлиб келган. Эсимни таниганимдан бери мен ўйинларни томоша қилганман, стадионларга борганман ва бирорта ҳам ўйинни ўтказиб юбормасликка ҳаракат қилганман», — дейди Коннор.
Оилавий анъаналардан ташқари, уни футболга доим жалб қилган нарса, шубҳасиз, бу энг халқаро спорт тури эканлигида.
«Кўплаб машҳур спорт турлари мавжуд, аммо футбол бутун дунё бўйлаб одамларни бирлаштиради. Қайси мамлакатдан эканлигингиз ёки кимлигингиз муҳим эмас — ҳамма бу ўйиннинг бир қисми бўлиши мумкин. Шунинг учун мен ҳар доим халқаро турнирлар, миллий чемпионатлар ва миллий терма жамоалар ўйинларини қизиқиш билан кузатиб борганман», — деб тушунтиради у.
Коннор 2018 йилдан бери Ўзбекистон терма жамоасини кузатиб келади. Ўша пайтда у коллежда ўқиётган ва дўсти билан қоларди. Бир куни кечқурун телефонида Жаҳон чемпионати саралаш натижаларини кўриб чиқаётганда, Коннор Ўзбекистон терма жамоасини пайқади.
«Мен уларнинг натижаларига дуч келавердим. Жамоа яхши натижаларга эришди, тез-тез дуранг ўйнади ва камдан-кам ҳолларда гол ўтказиб юборди. Бу менинг эътиборимни тортди», — деб эслайди у.
«Мен уларнинг натижаларига дуч келавердим. Жамоа яхши натижаларга эришди, тез-тез дуранг ўйнади ва камдан-кам ҳолларда гол ўтказиб юборди. Бу менинг эътиборимни тортди», — деб эслайди у.
Коннор миллий терма жамоа ҳақида ўқий бошлади ва Ўзбекистон ҳеч қачон Жаҳон чемпионатида ўйнамаганини ва фақат 1990 йилларнинг ўрталаридан, Совет Иттифоқи қулаганидан кейин мустақил жамоа сифатида иштирок этганини билди. Унинг айтишича, ўшанда у ўзбек футболига чинакам қизиқиб қолган.
«Мен жамоанинг ҳар бир цикл билан кучайиб боришини, ривожланишини ва Жаҳон чемпионатига йўлланма олиш орзуси учун курашишда давом этишини кузатишга жуда қизиқардим. Айнан шу нарса мени ўзига жалб қилди», — дейди Коннор.
«Мен жамоанинг ҳар бир цикл билан кучайиб боришини, ривожланишини ва Жаҳон чемпионатига йўлланма олиш орзуси учун курашишда давом этишини кузатишга жуда қизиқардим. Айнан шу нарса мени ўзига жалб қилди», — дейди Коннор.
Ўшандан бери Коннор Ўзбекистон терма жамоасининг ўйинларини ўтказиб юбормади ва айниқса, унинг 2026-йилги Жаҳон чемпионати саралаш турниридаги чиқишини диққат билан кузатиб борди. Айниқса, 2026-йилги жаҳон чемпионати саралаш турнири унинг учун жуда ҳаяжонли бўлди. Ўшанда, деб эслайди у, Сурияга қарши ўйинни кўриш учун тунги соат иккигача ухламаган ва жамоа плей-оффга чиқишига умид қилган.
«Жамоа шу сафарги Жаҳон чемпионати саралаш ўйинларида Қатарга ютқазганида, қўшимча вақтга 13 дақиқа қўшиб беришганди. Мен бундан жуда ғазабланганман. Таблода беш дақиқа кўрсатилди, 13 дақиқа ўтди ва якунда Қатар ғалаба голини уриб кетди. Мен ўша пайтда жуда ҳиссиётга берилганимни эслайман», — дейди Коннор.
Коннор жамоага бўлган садоқати сўзсиз ва майдондаги муваффақиятларга боғлиқ бўлмаган камдан-кам мухлислардан биридир. Бундай мухлислар учун натижадан кўра йўл муҳимроқ.
Ўзбекистон терма жамоаси ўз тарихида биринчи марта жаҳон чемпионатига йўлланмани қўлга киритганида, у дарҳол дўстларига қўнғироқ қилиб: «Улар буни уддалашди! Улар буни уддалашади деб айтгандим-ку!», – дея хурсандчилигини бўлишади.
Ўзбекистон терма жамоаси ўз тарихида биринчи марта жаҳон чемпионатига йўлланмани қўлга киритганида, у дарҳол дўстларига қўнғироқ қилиб: «Улар буни уддалашди! Улар буни уддалашади деб айтгандим-ку!», – дея хурсандчилигини бўлишади.
Ўзбекистон ва Конго ўртасидаги ўйинни трибунада туриб томоша қилаётган Конор
Коннорнинг оила аъзолари, айниқса, онаси ўғлининг «кичик» жамоаларга мухлислик қилишини жуда илиқ қабул қилади. Бироқ оилавий қоида шундай: Ўзбекистон Германия билан ўйнаган тақдирда Германияга қарши мухлислик қилиш мумкин эмас.
«Бу менинг биринчи Жаҳон чемпионатидаги ўйиним. Шунингдек, Ўзбекистон жамоасини биринчи бор кўришим. Уларнинг бир вақтда бирга бўлиши мен учун ҳайратланарли», — дейди ҳаяжонини яширмай Коннор.
«Бу менинг биринчи Жаҳон чемпионатидаги ўйиним. Шунингдек, Ўзбекистон жамоасини биринчи бор кўришим. Уларнинг бир вақтда бирга бўлиши мен учун ҳайратланарли», — дейди ҳаяжонини яширмай Коннор.
Ўзбекистон – Конго
Фан-клуб Конго билан бўлган ўйин аввалида ҳам кўчаларда миллий куй-қўшиқлар айтди, тўрт йилда бир бўладиган футбол байрамини дунё футбол мухлислари билан биргаликда нишонлади.
Бироқ Конго Ўзбекистоннинг плей-офф босқичига чиқиш режасини барбод қилди. Футболчиларимиз дастлабки дақиқаларда фаоллик кўрсатган бўлса-да, натижа фақат рақибларни хурсанд қилди.
Бироқ Конго Ўзбекистоннинг плей-офф босқичига чиқиш режасини барбод қилди. Футболчиларимиз дастлабки дақиқаларда фаоллик кўрсатган бўлса-да, натижа фақат рақибларни хурсанд қилди.
“
«Майдоннинг 75 фоизи конголиклар билан тўла эди, қолган 25 фоизида Ўзбекистон мухлислари. Учинчи ўйинда ўзбекистонликларни яққол сезиш мумкин эди. Ҳамма биргаликда «Ўз-бе-кис-тон» деганда қулоққа аниқ эшитилаётганди, биргаликда қиладиган ҳайқириқларимизда ҳам улар қўшилишди. Бизга қўшилиб, бирга қўллаб-қувватлаганларга катта раҳмат. Ўзбекистон деган номни қўрқмасдан, баралла айтишимиз керак», — дейди Нодиржон ака.
Ижтимоий тармоқларда фан-клуб аъзоларнинг Америкада ишлаб қолиш учун Ўзбекистонга қайтмагани ҳақида ёзишди. Нодиржон Тўйчиев ростан ҳам икки мухлис АҚШда экани, лекин улар фақат ЖЧнинг финал ўйинларини томоша қилиш шарти билан қолганлигини, ва мундиалдан кейин ватанга қайтишини таъкидлади.
«Халқ сизларни яхши кўради!»
Фан-клуб раҳбари Нодиржон Тўйчиев терма жамоа футболчиларини танқид қилганларни яхшилаб ўйлаб, кейин фикр билдиришга чақирди. Унинг фикрича, «футболчилар эндигина мундиал тузини татиб кўрди, кейингиларида эплолмаса, танқид қилса арзийди».
“
«Энди улар кейинги Осиё чемпионатига тайёргарликни бошлаши керак. Футболчиларга айтадиган гапим — сизлар таслим бўлманг! Фаолиятини якунлаётганларга ҳаммаси учун раҳмат. Ëшларга эса “газни босиш керак” деймиз. Ҳали чет эл клубларида ҳам ўйнаб, ўсишингиз керак. Юрагингизда фақат Ўзбекистон бўлсин, Ўзбекистон деб юракни бериб ўйнанг. Биз сизларни ҳамиша қўллаб-қувватлаймиз! Халқ сизларни яхши кўради»,
АҚШнинг жанубидаги Атлантадан ўзбекистонлик футболчиларни кузатишда давом этадиган Конор терма жамоамиз имкониятлари ва салоҳияти ҳақида гапираркан, Ўзбекистоннинг Осиё кубогини ютишига ишонч билдиради.
«Барча буюк футбол миллатларининг ўзига хос ўйин услуби бор. Испанларнинг тики-такаси, бу олдинга-орқага, кўп пас бериш. Лекин Ўзбекистоннинг ўрта ва орқа чизиққа эътибор қаратиши ажойиб бўлди. Яқин келажакда йигитлар ҳақиқатан ҳам ОФК кубогини ютиши мумкин деб ўйлайман. Айниқса, келгуси мусобақада уларнинг имкониятларингизни юқори баҳолайман. Эрон бу кубокни ютган. Менимча, Ўзбекистон уларни мағлуб эта олади. Назаримда, энди Ўзбекистон Жаҳон чемпионатининг доимий иштирокчисига айланади», — дейди Конор ишонч билан.
«Барча буюк футбол миллатларининг ўзига хос ўйин услуби бор. Испанларнинг тики-такаси, бу олдинга-орқага, кўп пас бериш. Лекин Ўзбекистоннинг ўрта ва орқа чизиққа эътибор қаратиши ажойиб бўлди. Яқин келажакда йигитлар ҳақиқатан ҳам ОФК кубогини ютиши мумкин деб ўйлайман. Айниқса, келгуси мусобақада уларнинг имкониятларингизни юқори баҳолайман. Эрон бу кубокни ютган. Менимча, Ўзбекистон уларни мағлуб эта олади. Назаримда, энди Ўзбекистон Жаҳон чемпионатининг доимий иштирокчисига айланади», — дейди Конор ишонч билан.
Материални Давлат Умаров ва Отабек Турдиев тайёрлади.
Суратларни Евгений Сорочин олган.
Матн ва барча график материалларга бўлган ҳуқуқлар Gazeta'га тегишли. Gazeta'да эълон қилинган материаллардан фойдаланиш шартлари билан қуйидаги ҳаволада танишишингиз мумкин.
Қизиқарли нарсаларни биласизми? У ҳақида бошқаларга айтиб бермоқчимисиз? Ўз ҳикоянгизни sp@gazeta.uz электрон манзилига юборинг.
Суратларни Евгений Сорочин олган.
Матн ва барча график материалларга бўлган ҳуқуқлар Gazeta'га тегишли. Gazeta'да эълон қилинган материаллардан фойдаланиш шартлари билан қуйидаги ҳаволада танишишингиз мумкин.
Қизиқарли нарсаларни биласизми? У ҳақида бошқаларга айтиб бермоқчимисиз? Ўз ҳикоянгизни sp@gazeta.uz электрон манзилига юборинг.
