ЖССТ`нинг «Эшитиш саломатлиги бўйича»
ҳисоботига кўра, кохлеар имплантация билан боғлиқ харажатлар Ҳиндистонда 11,3 минг, Россияда 18 минг, Янги Зеландияда эса 34,3 минг долларни ташкил этади. Ўзбекистон бўйича маълумот йўқ бўлган ушбу ҳисобoтдаги рақамлар — имплант қурилмасининг нархи билан бирга, операция ва унга боғлиқ тиббий хизматлар харажатини қамраб олади.
Ўзбекистонда-чи, операция қилдириш ва имплант тизимини сотиб олиш қанчага тушади?Ўзи эшитиш имплантини ўрнатиш бўйича бу каби жарроҳлик амалиёти Ўзбекистонда 2017 йилдан бошлаб ўтказила
бошлаган. Болалар миллий тиббиёт марказининг айни пайтдаги расмий нархлар рўйхатида
ёзилишича, кохлеар имплантация операциясининг имплант нархи
киритилгани ҳам
киритилмагани ҳам негадир бир хил -- 13 миллион 691 минг сўм, ички қулоқ аномалияси бўлган ҳолатларда эса 20 миллион 757 минг сўмни ташкил қилади.
Кохлеар имплантация харажатлари мамлакат, ишлаб чиқарувчи, қурилма модели ва комплектациясига қараб фарқ қилади. 2015 йилда 62−75 миллион сўм
туриши қайд этилган. Бугунги кунда эса
Cоchlear ва
МED-EL каби компанияларининг Ўзбекистондаги расмий дистрибюторларининг сайтида имплант тизимларининг нархи очиқ кўрсатилмаган.
2026 йилги тендерлардаги бошланғич қийматлар ва харид қилинадиган тизимлар сонига кўра, бир дона кохлеар имплант тизимининг бошланғич қиймати тахминан 125 миллион
сўмдан 158 миллион
сўмгача бўлган. Хусусан, 100 дона тизимни харид қилиш учун 13,23 миллиард
сўм бошланғич қиймат белгиланган. Бу бир дона тизим учун 132,3 миллион
сўмга тўғри келади.
Давлат харидларидаги ушбу кўрсаткичлар имплант тизимларининг қиймати ҳақида умумий тасаввур беради. Бироқ
тендерларда белгиланган бошланғич нархлар беморлар учун таклиф этиладиган чакана сотув нархидан фарқ қилиши мумкинлигини инобатга олиш лозим.